High tension | పులివెందులలో హైటెన్షన్‌..గాల్లో కాల్పులు జరిపిన పోలీసులు

High tension | ఏపీలో స్థానిక ఎన్నికల సందర్భంగా పలు జిల్లాలో టెన్షన్‌ వాతావరణం నెలకొంది.

అమరావతి : ఏపీలో స్థానిక ఎన్నికల సందర్భంగా పలు జిల్లాలో టెన్షన్‌ ( High tension ) వాతావరణం నెలకొంది. నామినేషన్ల సందర్భంగా గుంపులుగా వస్తున్న ఆయా పార్టీలకు చెందిన నాయకులు, కార్యకర్తలను అదుపు చేయడంలో పోలీసులు నానా తంటాలు పడుతున్నారు. ముఖ్యంగా కూటమి పార్టీలు, వైసీపీ( YCP ) నాయకుల మధ్య పచ్చని గడ్డి వేస్తే బగ్గు మనే విధంగా పరిస్థితులు నెలకొంటున్నాయి.

క డప జిల్లా పులివెందుల ( Pulivendula ) లో నామినేషన్‌ వేసేందుకు వచ్చిన వైసీపీ కార్యకర్తలు పోలీసులపైకి రాళ్లు విసరడంతో వారిని అదుపు చేసేందుకు పోలీసులు గాల్లోకి కాల్పులు జరిపారు.కడపలోని కాగితాలపెంట నామినేషన్‌ కేంద్రం వద్ద గాంధీనగర్‌ పాఠశాల వద్ద, రాజంపేటలో టీడీపీ, వైసీపీ కార్యకర్తలు రాళ్లు రువ్వుకున్నారు.నాగరాజుపేట, సెయింట్‌ జోసెఫ్‌ నామినేషన్‌ కేంద్రాల్లో , ఘర్షణ చోటు చేసుకుంది.

రాయచోటిలో ఇరువర్గా ఘర్షణలో కారు ధ్వంసమయ్యింది. పలు ప్రాంతాల్లో వైసీపీ కార్యకర్తలను పోలీసులు అదుపులోకి తీసుకున్నారు. తిరుపతిలో వైసీపీ మేయర్‌ అభ్యర్థి వాసు యాదవ్‌ తరఫున నామినేషన్‌ వేసేందుకు వెళ్లిన ఎమ్మెల్సీ సిపాయి సుబ్రహ్మణ్యాన్ని టీడీపీ కార్యకర్తలు అడ్డుకున్నారు. నామినేషన్‌ వెళ్లే ప్రజాప్రతినిధులకు రక్షణ కల్పించకపోవడం పోలీసు యంత్రాంగం వైఫల్యమని తిరుపతి ఎంపీ డాక్టర్‌ మద్దిల గురుమూర్తి ఆరోపించారు.

🚨 Sensitive Content

పులివెందులలో కాల్పులు

వైసీపీ నేతలు,కార్యకర్తలపై పోలీసుల దాష్టీకం

వైసీపీ నేతల వాహనాలు ధ్వంసం చేసిన పోలీసులు

టియర్ గ్యాస్ ప్రయోగం, గాల్లోకి పోలీసుల కాల్పులు

నామినేషన్ వేసేందుకు వచ్చిన వైసీపీ కౌన్సిలర్లను అడ్డుకున్న పోలీసులు

ఎంపీ అవినాష్ రెడ్డి సహా నేతలను అడ్డుకున్న పోలీసులు

— Telugu Feed (@Telugufeedsite) October 17, 2026