Fire accident | ఆస్పత్రిలో మంటలు.. తృటిలో తప్పిన పెను ప్రమాదం

Fire accident | ఏపీలోని విశాఖపట్నం లోని ఓ ప్రైవేట్ ఆస్పత్రిలో మంటలు చెలరేగడంతో రోగులు భయాందోళనకు గురయ్యారు.

అమరావతి : ఏపీలోని విశాఖపట్నం (Visakapatnam) లోని ఓ ప్రైవేట్ ఆస్పత్రిలో (Private hospital) మంటలు చెలరేగడంతో రోగులు భయాందోళనకు గురయ్యారు. మంగళవారం ఉదయం విశాఖపట్నంలోని వెంకోజిపాలెం మెడికవర్‌ ఆస్పత్రిలో షార్ట్‌ సర్క్యూట్‌తో ఆస్పత్రి సెల్లార్‌లో యూపీఎస్‌ బ్యాటరీలు పేలి మంటలు చెలరేగాయి.

దీంతో ఆస్పత్రిలో దట్టమైన పొగ అలుముకోవడంతో భయంతో రోగులు బయటకు పరుగులు తీశారు. ఆస్పత్రి యాజమాన్యం వెంటనే స్పందించి సమాచారం అందజేయడంతో అగ్నిమాపక సిబ్బంది అక్కడికి చేరుకుని మంటలను అదుపులోకి తీసుకు వచ్చారు. అయితే ఈ ఘటనలో ఎవరికీ ఎలాంటి ప్రమాదం జరుగలేదని ఆస్పత్రి యాజమాన్యం స్పష్టం చేసింది.