Cyclone Arnab | అర్నబ్ తుపాను ఎఫెక్ట్.. ఏపీలో బీచ్లను మూసేసిన అధికారులు..!
Cyclone Arnab | తీరానికి చేరువైన అర్నబ్ తుపాను (Cyclone Arnab) ప్రభావంతో ఆంధ్రప్రదేశ్లోని పలు బీచ్లను అధికారులు మూసివేశారు. విశాఖపట్నం సహా పలు తీరప్రాంతాల్లో అలలు ఉవ్వెత్తున ఎగసిపడుతున్నాయి. మరోవైపు సముద్రం ముందుకు వస్తుండటంతో పర్యాటకుల ప్రవేశంపై అధికారులు ఆంక్షలు విధించారు
Cyclone Arnab : తీరానికి చేరువైన అర్నబ్ తుపాను (Cyclone Arnab) ప్రభావంతో ఆంధ్రప్రదేశ్లోని పలు బీచ్లను అధికారులు మూసివేశారు. విశాఖపట్నం సహా పలు తీరప్రాంతాల్లో అలలు ఉవ్వెత్తున ఎగసిపడుతున్నాయి. మరోవైపు సముద్రం ముందుకు వస్తుండటంతో పర్యాటకుల ప్రవేశంపై అధికారులు ఆంక్షలు విధించారు. విశాఖలోని రుషికొండ, ఆర్కేబీచ్లతోపాటు బాపట్ల జిల్లాలో చీరాల, ఓడరేవు, రామాపురం, పొట్టిసుబ్బయ్యపాలెం బీచ్లను తాత్కాలికంగా మూసివేశారు.
హైదరాబాద్ సహా ఇతర ప్రాంతాల నుంచి పర్యాటకులు విశాఖ సందర్శనకు రావద్దని అధికారులు సూచించారు. అధికారిక ఉత్తర్వులు వెలువడే వరకు బీచ్లలో ఆంక్షలు కొనసాగుతాయని వెల్లడించారు. తుపాను ప్రభావం కారణంగా అధికారుల హెచ్చరికల నేపథ్యంలో మత్స్యకారులు చేపలవేటను నిలిపివేశారు. బోట్లను ఒడ్డుకు చేర్చారు. బాపట్ల జిల్లా నిజాంపట్నం హార్బర్ జెట్టీ, కొత్తపాలెం, నక్షత్రనగర్, లంకెవానిదిబ్బ, పెనుమూడిలో బోట్లను ఒడ్డుకు తీసుకొచ్చారు.
కాకినాడ జిల్లాలో తీర ప్రాంత ప్రజలను అధికారులు అప్రమత్తం చేశారు. జిల్లావ్యాప్తంగా 101 పునరావాస కేంద్రాలను ఏర్పాటుచేశారు. కాకినాడ కలెక్టరేట్లో 0884-2356801, 98499 03879 నంబర్లతో కంట్రోల్ రూమ్ ఏర్పాటు చేశారు. ఇక తుపాను ఎఫెక్ట్తో విశాఖపట్నంలో ఇప్పటికే ఈదురు గాలులతో కూడిన వర్షం కురుస్తోంది. నగరంలోని మహారాణిపేట అంగడిదిబ్బ వద్ద చెట్టు విరిగిపడి పాన్ షాపు ధ్వంసమైంది. ఈ క్రమంలో సహాయక చర్యలకు విద్యుత్శాఖ సిబ్బంది సిద్ధంగా ఉండాలని ఏపీఈపీడీసీఎల్ సీఎండీ పృథ్వీతేజ్ ఆదేశించారు.
అధికారులతో ఆయన సమీక్ష నిర్వహించారు. సహాయక చర్యలకు సామగ్రి, యంత్రాలను సిద్ధంగా ఉంచామని తెలిపారు. విద్యుత్ సమస్యలు ఉంటే 1912 నంబర్ను సంప్రదించాలని ఏపీఈపీడీసీఎల్ సీఎండీ సూచించారు.
Read Today's Latest Andhrapradesh-news News in Telugu and Telugu News
RELATED ARTICLES
తాజా వార్తలు
‘పిల్లల అభిరుచులను గుర్తించి ప్రోత్సహించాలి’
Covid 19 | కరోనా కొత్త వేరియెంట్ పీజే.2.1 వేగంగా వ్యాప్తి.. ప్రమాదకరమైనదా..?
Cruise Ship: స్టీరింగ్ కంట్రోల్ తప్పి క్రూయిజ్ను ఢీకొన్న ట్యాంకర్.. లగ్జరీ నౌక నుంచి దూకిన ప్రయాణికులు.. వీడియో
Sabitha Indra Reddy | ముఖ్యమంత్రి రేవంత్ రెడ్డి మూలాన్ని మరిచిపోయారు.. మూసీ సుందరీకరణపై సబితాఇంద్రారెడ్డి ఫైర్
George Krish | సంక్రాంతి బరిలో శర్వానంద్ ‘జార్జ్ క్రిష్’.. మొదలైన డబ్బింగ్ పనులు, రిలీజ్ ఎప్పుడంటే?
ట్రెండింగ్ వార్తలు
Hindu names on Muslim wedding cards | ముస్లింల వెడ్డింగ్ కార్డులపై హిందూ పేర్లు.. నిఖా రద్దు చేయాలని బెదిరింపులు
పెళ్లికొడుకు, పెళ్లికూతురు ఇద్దరూ పురుషులే.. హిమాచల్ ప్రదేశ్లో వింత పండుగ!
Watch: బైకర్పై ఏనుగు దాడి.. అతడ్ని పలుమార్లు తొక్కిన వీడియో వైరల్
Watch: దంపతులు టీవీ చూస్తుండగా ఇంట్లోకి ప్రవేశించిన చిరుత.. తర్వాత ఏం జరిగిందంటే?
Viral News | ఎన్క్లోజర్ నుంచి సొరంగం తవ్వి తప్పించుకున్న పెద్దపులి.. తర్వాత ఏమైందంటే..!

