ఆంధ్రప్రదేశ్‌లో నేటి నుంచి కర్ఫ్యూ వేళల సడలింపు

నేటి నుంచి కర్ఫ్యూ వేళల సడలింపు | ఆంధ్రప్రదేశ్‌ ప్రభుత్వం రాష్ట్రంలో నేటి నుంచి కర్ఫ్యూ వేళలను సడలించింది. ఉదయం 6 గంటల నుంచి సాయంత్రం 6 గంటల వరకు కర్ఫ్యూను సడలింపునిచ్చింది.

అమరావతి : ఆంధ్రప్రదేశ్‌ ప్రభుత్వం రాష్ట్రంలో నేటి నుంచి కర్ఫ్యూ వేళలను సడలించింది. ఉదయం 6 గంటల నుంచి సాయంత్రం 6 గంటల వరకు కర్ఫ్యూను సడలింపునిచ్చింది. సాయంత్రం 6 గంటల నుంచి మరుసటి రోజు ఉదయం 6 గంటల వరకు కర్ఫ్యూ అమలులో ఉండనుంది. సాయంత్రం 5 గంటల వరకే దుకాణాల నిర్వహణకు అనుమతి ఉంటుందని సర్కార్‌ స్పష్టం చేసింది. కరోనా ఉధృతి అధికంగా ఉన్న తూర్పుగోదావరి జిల్లాలో మధ్యాహ్నం 2 గంటలకు వరకు కర్ఫ్యూ సడలింపు అమలులో ఉంటుంది. 2 గంటల నుంచి మరుసటి రోజు 6 గంటల వరకు ఆంక్షలు అమలులో ఉంటాయి.