చంద్రబాబు ఎవరినైనా లవ్‌ చేస్తారు : సోము వీర్రాజు

అమరావతి : వైసీపీ నాయకులే లక్ష్యంగా తన వ్యాఖ్యలతో సంచలనం కలిగిస్తున్న ఆంధ్రప్రదేశ్‌కు చెందిన బీజేపీ చీఫ్‌ సోము వీర్రాజు ఈ సారి చంద్రబాబును టార్గెట్‌ చేశారు. శుక్రవారం ఆయన చంద్రబాబుపై వ్యంగ్యంగా తనదైన రీతిలో మాట్లాడారు. తన అధికారం కోసం ఎవరినైనా లవ్‌ చేస్తారని .. అవసరమైనప్పుడే లవ్‌ చేయడంలో చంద్రబాబు సమర్ధుడని విమర్శించారు.. గతంలో కాంగ్రెస్‌ను కూడా లవ్‌ చేశాడని ఆరోపించారు. చంద్రబాబు అవసరమైనప్పుడు లవ్‌ చేస్తారు.. ఆ తర్వాత ఏం చేస్తారో నా నోటితో చెప్పనని ’ పేర్కొన్నారు. చంద్రబాబు అవకాశవాదని ఆరోపించారు.

రాష్ట్రంలో జనసేన బీజేపీ మిత్రపక్షమని వెల్లడించారు. ఇటీవల పంజాబ్‌లో ప్రధాని నరేంద్ర పర్యటనపై సోము వీర్రాజు స్పందించారు. ఆ రాష్ట్రంలో ప్రధాని భద్రతకు భంగం వాటిల్లేలా పరిస్థితులు సృష్టించారని ఆరోపించారు. పంజాబ్‌ వ్యవహరంపై రాష్ట్రంలో నిరసనలు తెలియజేస్తామని, ఈరోజు సాయంత్రం గవర్నర్‌ను కలువనున్నామని వివరించారు.