CBI Court | విదేశాలకు వెళ్లేందుకు ఏపీ సీఎం జగన్‌కు సీబీఐ కోర్టు అనుమతి

CBI Court | ఏపీ సీఎం వైఎస్‌ జగన్‌ మోహన్‌రెడ్డి (CM YS Jagan) విదేశాలకు వెళ్లేందుకు సీబీఐ కోర్టు(CBI Court)  అనుమతి ఇచ్చింది .

అమరావతి : ఏపీ సీఎం వైఎస్‌ జగన్‌ మోహన్‌రెడ్డి (CM YS Jagan) విదేశాలకు వెళ్లేందుకు సీబీఐ కోర్టు(CBI Court)  అనుమతి ఇచ్చింది . ఎన్నికల అనంతరం తాను ఈనెల 17 నుంచి జూన్‌ 1 వ తేదీ వరకు లండన్ (London)‌, ఫ్రాన్స్‌, స్విట్జర్లాండ్‌ దేశాలకు వెళ్లడానికి అనుమతి కావాలంటూ జగన్‌ వారం రోజుల క్రితం సీబీఐ కోర్టులో పిటిషన్‌ దాఖలు చేశారు.

పిటిషన్‌పై విచారించిన కోర్టు మంగళవారం విచారణ చేపట్టగా  కోర్టు అనుమతి ఇచ్చింది. జగన్‌తో పాటు భార్య భారతి వెంట విదేశాలకు వెళ్లనున్నారు. జగన్‌పై పలు కోర్టుల్లో కేసులుండడంతో విదేశాలకు వెళ్లకుండా గతంలో కోర్టు ఆదేశాలు జారీ చేసింది. దీంతో ఆయన కోర్టులో పిటిషన్‌ దాఖలు చేసి అనుమతి పొందారు.