Nandigam Suresh | వైఎస్సార్‌సీపీకి షాక్‌.. బాపట్ల మాజీ ఎంపీ నందిగం సురేశ్‌ అరెస్ట్‌..

Nandigam Suresh | బాపట్ల మాజీ ఎంపీ నందిగం సురేశ్‌ను పోలీసులు అదుపులోకి తీసుకున్నారు. మంగళగిరిలోని తెలుగుదేశం పార్టీ ప్రధాన కార్యాలయంపై దాడి కేసులో వైఎస్సార్‌సీపీ నేతలను పోలీసులు అదుపులోకి తీసుకున్నట్లు తెలుస్తున్నది.

Nandigam Suresh | బాపట్ల మాజీ ఎంపీ నందిగం సురేశ్‌ను పోలీసులు అదుపులోకి తీసుకున్నారు. మంగళగిరిలోని తెలుగుదేశం పార్టీ ప్రధాన కార్యాలయంపై దాడి కేసులో వైఎస్సార్‌సీపీ నేతలను పోలీసులు అదుపులోకి తీసుకున్నట్లు తెలుస్తున్నది. హైదరాబాద్‌లో ఉన్న ఆయనను అదుపులోకి తీసుకొని ఏపీకి తరలిస్తున్నట్లు తెలుస్తున్నది. ఈ కేసులో ఆయన ముందస్తు బెయిల్‌ దాఖలు చేయగా.. హైకోర్టు పిటిషన్‌ని తిరస్కరించింది. దాంతో తుళ్లూరు పోలీసులు బుధవారం ఆయనను అరెస్టు చేసేందుకు ఉద్దండరాయునిపాలెంలోని నివాసానికి వెళ్లారు.

అరెస్టు చేస్తారన్న సమాచారం నేపథ్యంలో ఆయన తన మొబైల్‌ను స్విచ్ఛాప్‌ చేసి అజ్ఞాతంలోకి వెళ్లారు. దాంతో పోలీసులు కొంత సేప‌టి వ‌ర‌కు వేచి చూసి అక్కడి నుంచి వెళ్లిపోయారు. ఆ తర్వాత మొబైల్‌ సిగ్నల్స్‌ ఆధారంగా బుధవారం ఉదయం ఎక్కడ ఉన్నారనే కోణంలో ఆరా తీశారు. దాంతో ఆయన హైదరాబాద్‌ నుంచి పారిపోయేందుకు ప్రయత్నిస్తున్నట్లు తెలియడంతో ప్రత్యేక బృందం హైదరాబాద్‌కు వెళ్లి అదుపులోకి తీసుకున్నట్లు సమాచారం. తెలుగుదేశం పార్టీపై దాడి కేసులో వైఎస్సార్‌సీపీ నేతలు దేవినేని అవినాశ్‌, లేళ్ల అప్పిరెడ్డి, తలశిల రఘురామ్‌తో పాటు పలువురు అజ్ఞాతంలోకి వెళ్లారు. వారి కోసం గుంటూరు, బాపట్ల జిల్లాలకు చెందిన 12 పోలీసుల బృందాల వారి ఆచూకీ కోసం గాలిస్తున్నాయి.