YCP Letter | కేంద్ర ఎన్నికల సంఘానికి ఏపీ వైసీపీ లేఖ.. ఎందుకంటే?

YCP Letter | ఏపీలోని వైసీపీ పార్టీ కేంద్ర ఎన్నికల సంఘానికి లేఖ రాసింది. ఈనెల 5న అన్ని జిల్లా కేంద్రాల్లో నిర్వహిస్తున్న ఆందోళన కార్యక్రమానికి అనుమతి ఇవ్వాలంటూ లేఖలో పేర్కొంది.

అమరావతి : ఏపీలోని వైసీపీ (YCP) పార్టీ కేంద్ర ఎన్నికల సంఘానికి (Election Commission) లేఖ రాసింది. ఈనెల 5న అన్ని జిల్లా కేంద్రాల్లో నిర్వహిస్తున్న ఆందోళన కార్యక్రమానికి అనుమతి ఇవ్వాలంటూ లేఖలో పేర్కొంది. కూటమి సర్కార్‌ అధికారంలోకి వచ్చిన తరువాత విద్యార్థులకు ఫీజు రియింబర్స్‌మెంట్‌ (Fees Reimbursment,) కింద నిధులు విడుదల చేయకపోవడంతో ఇబ్బందులు పడుతున్నారని వెల్లడించింది.

గతంలోనే తీసుకున్న నిర్ణయం మేరకు ఈనెల 5న ఫీజుపోరుకు పర్మిషన్‌ ఇవ్వాలని కోరుతూ వైసీపీ జనరల్‌ సెక్రటరీ లేళ్ల అప్పిరెడ్డి (Lella Appireddy) ఈసీకి లేఖను రాశారు. రాష్ట్ర ప్రభుత్వం సుమారు 3,900 కోట్ల బకాయిలను విడుదల చేయాలని కోరారు. 2019-24వరకు వైసీపీ పాలనలో రెగ్యులర్‌గా ఫీజు రియింబర్స్‌మెంట్‌ను ఇచ్చి విద్యార్థుల తల్లిదండ్రులను ఆదుకుందని అప్పిరెడ్డి పేర్కొన్నారు.

రాష్ట్రంలోని పలు జిల్లాల్లో పట్టభద్రులు, టీచర్‌ ఎమ్మెల్సీ స్థానాలకు ఎన్నికల షెడ్యూల్‌ విడుదల చేయడంతో ధర్నాలు, ఆందోళనలు చేయరాదు. ఈ సందర్భంగా ఈసీకి వైసీపీ లేఖ రాస్తూ అనుమతి ఫీజుపోరుకు అనుమతివ్వాలని కోరింది. ఈసీ తీసుకునే నిర్ణయం మేరకు వైసీపీ తన షెడ్యూల్‌ను మార్చుకునే అవకాశముంది.