కరోనా కట్టడికి ఏపీ ప్రభుత్వం చర్యలు : ప్రభుత్వ చీఫ్‌ విప్‌

అమరావతి : కరోనా కట్టడికి ఏపీ ప్రభుత్వం అన్ని చర్యలు తీసుకుంటుందని ప్రభుత్వ చీఫ్‌ విప్‌ గడికోట శ్రీకాంత్‌రెడ్డి తెలిపారు. ప్రతి నియోజకవర్గంలో కోవిడ్‌ కేర్‌ సెంటర్‌ ఏర్పాటు చేశామని ఆయన పేర్కొన్నారు. ఆక్సిజన్ కొరత లేకుండా ఎప్పటికప్పుడు పర్యవేక్షిస్తున్నామని స్పష్టంచేశారు.

కొవిడ్‌ సంక్షోభ సమయంలో ప్రభుత్వంపై చంద్రబాబు కుట్రలు చేస్తున్నారని మండిపడ్డారు. రఘురామకృష్ణరాజు వెనుక చంద్రబాబు ఉండి నడిపిస్తున్నారని విమర్శించారు. కరోనా నిబంధనలు పాటిస్తూ అసెంబ్లీ సమావేశాలు నిర్వహిస్తామని ఆయన తెలిపారు. ఏ అంశంపైనైనా చర్చించేందుకు ప్రభుత్వం సిద్ధంగా ఉందని పేర్కొన్నారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి.