ఎంకే మీనాకు కీలక బాధ్యతలు అప్పగించిన ఏపీ ప్రభుత్వం

ఏపీ ఎన్నికల ప్రధానాధికారి ముఖేశ్‌కుమార్‌కు చంద్రబాబు ప్రభుత్వం కీలక బాధ్యతలు అప్పగించింది. రెవెన్యూ, ఎక్సైజ్‌ ప్రిన్సిపల్‌ సెక్రటరీగా ఎంకే మీనాను నియమించింది. ఇండస్ట్రీస్‌ అండ్‌ కామర్స్‌ పీఎస్‌గా అదనపు బాధ్యతలు అప్పగించింది.

ఏపీ ఎన్నికల ప్రధానాధికారి ముఖేశ్‌కుమార్‌కు చంద్రబాబు ప్రభుత్వం కీలక బాధ్యతలు అప్పగించింది. రెవెన్యూ, ఎక్సైజ్‌ ప్రిన్సిపల్‌ సెక్రటరీగా ఎంకే మీనాను నియమించింది. ఇండస్ట్రీస్‌ అండ్‌ కామర్స్‌ పీఎస్‌గా అదనపు బాధ్యతలు అప్పగించింది. ఈ మేరకు ఏపీ ప్రభుత్వం ఉత్తర్వులు జారీ చేసింది. ఇటీవల జరిగిన సార్వత్రిక ఎన్నికల్లో అక్రమాలను అడ్డుకోవడంలో సమర్థంగా పనిచేశారని ఎంకే మీనా గుర్తింపు తెచ్చుకున్నారు. ఈ నేపథ్యంలోనే ఆయనకు కీలక బాధ్యతలు అప్పగించినట్లు తెలుస్తోంది.

ఏపీ ఎన్నికల ప్రధానాధికారి బాధ్యతల నుంచి ముకేశ్‌ కుమార్‌ మీనా శుక్రవారం సాయంత్రం రిలీవ్‌ అయ్యారు. ఆయన స్థానంలో వివేక్‌ యాదవ్‌ నియమితులయ్యారు. ఇక ఏపీ సీఈవోగా నియమితులైన వివేక్‌ యాదవ్‌ ప్రస్తుతం యువజన సర్వీసులు, క్రీడల శాఖ కార్యదర్శిగా ఉన్నారు. రెండు రోజుల కిందటే ఆయన ఈ శాఖలకు బదిలీ అయ్యారు. అంతకుముందు సీఆర్‌డీఏ కమిషనర్‌గా పనిచేశారు.