Visit:
వాంకిడి : ఆసిఫాబాద్‌ ( Asifabad district ) జిల్లా వాంకిడి మండలం ఎనోలి గ్రామంలో తలెత్తిన నీటి సమస్య తీర్చాలని ప్రజాసంఘాల నాయకుల ఆధ్వర్యంలో గ్రామస్థులు బుధవారం కలెక్టరేట్ ఎదుట ధర్నా ( Dharna ) చేపట్టారు. ఈ సందర్భంగా వారు మాట్లాడుతూ గ్రామంలో నీటి సమస్య పరిష్కరించాలని అధికారులకు పలుమార్లు కోరినప్పటికి పట్టించుకోవడంలేదని ఆరోపించారు.
ఇంటింటికి నల్లా ద్వారా అందించే మిషన్ భగీరథ (Mission Baghirath) నీరు రాక సంవత్సరాలు గడుస్తుందని , కనీసం త్రాగేందుకు కూడా నీరు లేక ఇబ్బందులు పడాల్సిన పరిస్థితి నెలకొందని ఆవేదన వ్యక్తం చేశారు. గ్రామంలో ఉన్న రెండు బోర్లలో నీరు అడుగంటుకుపోవడంతో సమస్య తీవ్రమైందని అన్నారు.
