Kalyana Kanuka | ఎన్నికల్లో ఇచ్చిన హామీని నెరవేర్చిన బీఆర్‌ఎస్‌ సర్పంచ్‌

Kalyana Kanuka | మంచిర్యాల జిల్లా కాసిపేట  మండలం పెద్దనపల్లి బీఆర్ఎస్ సర్పంచ్ కల్వల శరత్ కుమార్ ఎన్నికల్లో ఇచ్చిన హామీ మేరకు పేద కుటుంబానికి కళ్యాణ కానుక అందజేశారు.

కాసిపేట : మంచిర్యాల జిల్లా కాసిపేట  ( Kasipet ) మండలం పెద్దనపల్లి బీఆర్ఎస్ సర్పంచ్ కల్వల శరత్ కుమార్ ఎన్నికల్లో ఇచ్చిన హామీ మేరకు పేద కుటుంబానికి కళ్యాణ కానుక ( Kalyana Kanuka )  అందజేశారు. గ్రామ పంచాయతీలోని నాయకపుగూడ గ్రామంలో సోమని పోసు-రమేష్ దంపతుల కుమార్తె రమ్య వివాహానికి రూ.6016 చీర, సారేను స్వయంగా పెళ్లి కూతురు ఇంటికి వెళ్లి సర్పంచ్ దంపతులు అందజేశారు.

అనంతరం సర్పంచ్ మాట్లాడుతూ గ్రామ పంచాయతీలో ఆడపిల్ల పెళ్లికి చీర, సారె కట్న కానుకలు గౌరవప్రదంగా పంపించాలనే ఉద్దేశంతో ఈ యొక్క కార్యక్రమానికి శ్రీకారం చుట్టానని తెలిపారు. ఈ కార్యక్రమంలో మాజీ జడ్పీటీసీ పల్లె చంద్రయ్య రజిత, వార్డు సభ్యులు పులికోట వంశీ, ఎల్. నవీన్, పల్లె ధర్మయ్య, గ్రామ పెద్దలు పాల్గొన్నారు.