Bronze Medal | రాష్ట్రస్థాయి రెజ్లింగ్‌ పోటీల్లో శ్రీవల్లికి కాంస్య పతకం

Bronze Medal | స్కూల్ గేమ్స్ ఫెడరేషన్ అండర్-17 రాష్ట్రస్థాయి రెజ్లింగ్ పోటీలలో అచ్చలాపూర్ జడ్పీహెచ్ఎస్ విద్యార్థిని శ్రీవల్లి అత్యంత ప్రతిభ చూపి బహుమతులు గెలుచుకుందని పీడీ సాంబమూర్తి తెలిపారు.

తాండూర్ : స్కూల్ గేమ్స్ ఫెడరేషన్ అండర్-17 రాష్ట్రస్థాయి రెజ్లింగ్ పోటీలలో ( Wrestling Competition) అచ్చలాపూర్ జడ్పీహెచ్ఎస్ విద్యార్థిని శ్రీవల్లి( Srivalli ) అత్యంత ప్రతిభ చూపి బహుమతులు గెలుచుకుందని పీడీ సాంబమూర్తి ( PD Sambamurthy ) తెలిపారు. పాఠశాల క్రీడా సమాఖ్య ఆధ్వర్యంలో ఈ నెల 14 నుంచి 16వ తేదీ వరకు సంగారెడ్డి జిల్లా పటాన్ చెరువు మైత్రి గ్రౌండ్ లో నిర్వహించిన రాష్ట్రస్థాయి రెజ్లింగ్ పోటీలు జరిగాయి.

10వ తరగతి చదువుతున్న కే శ్రీవల్లి అత్యుత్తమ ప్రతిభ కనబరిచి 3వ స్థానములో నిలిచి బ్రాంజ్ మెడల్ ( Bronze medal ) సాధించినట్లు తెలిపారు. ఈ సందర్భంగా విద్యార్థినిని పాఠశాల ప్రధానో పాధ్యాయురాలు  పీ ఉమాదేవి, సర్పంచ్ మారిశెట్టి స్రవంతి, ఉప సర్పంచ్ గట్టు సంతోష్ కుమార్, వార్డు సభ్యులు పాపయ్య, ఏఏపీసీ చైర్మన్ చిలకమ్మ, గ్రామ పెద్దలు, ఉపాధ్యాయులు అభినందించారు.