బాలాసనం

బాలాసనం.. గర్భిణులకు ఎంతో ఉపశమనాన్ని ఇస్తుంది. పిల్లలు పడుకునే తీరును తలపించే ఈ భంగిమ మానసిక ప్రశాంతతను ప్రసాదిస్తుంది. కాకపోతే, నిపుణుల సలహాతోనే చేయాలి.

• ముందుగా మోకాళ్లపై కూర్చోవాలి. తర్వాత పాదాలపై పిరుదులు ఆనించి కూర్చోవాలి. దీన్నే ‘వజ్రాసనం’ అంటారు.
• తర్వాత నిదానంగా ముందుకు వంగి నుదుటిని నేలకు తాకించాలి.
• ఇప్పుడు రెండు చేతులనూ ముందుకు పూర్తిగా చాపాలి.
• నుదురు నేలను తాకడం సాధ్యం కాకపోతే పొట్ట కింద, తలకింద మెత్తని దిండ్లు పెట్టుకోవచ్చు.
• బాలాసన స్థితిలో 20 నుంచి 30 సెకండ్లపాటు ఉండాలి. శ్వాసక్రియ నిదానంగా కొనసాగించాలి. శ్వాసపై దృష్టి నిలపాలి. తర్వాత నిదానంగా మళ్లీ వజ్రాసన స్థితికి రావాలి.

–అనితా అత్యాల
ప్రెగ్నెన్సీ యోగా నిపుణురాలు
6309800109