ఆరోగ్యాన్ని ప్రసాదించే.. కటి చక్రాసనం

యోగాసనాల్లో సులువైనది, ఆరోగ్యాన్ని ప్రసాదించేది కటి చక్రాసనం. చేతుల కదలికలపై ఆధారపడి ఉండే ఈ ఆసనాన్ని సాధన చేయగలిగితే ఎన్నో ప్రయోజనాలు. వీపు, వెన్ను, నడుము భాగాలపై ఒత్తిడిని దూరం చేసే కటి చక్రాసనం ఎలా వేయాలంటే..

• ముందుగా చేతులను వదులుగా విడిచి, నిటారుగా నిల్చోవాలి. ఇప్పుడు నిదానంగా శ్వాస తీసుకుంటూ ఎడమ అరచేతిని కుడి భుజంపై ఉంచాలి.
• ఇప్పుడు శ్వాస వదులుతూ కుడిచేతిని వీపుపైకి తీసుకెళ్లి అరచేతిని నడుముపై ఉంచాలి. శ్వాస తీసుకుంటూ ఎడమ అరచేతిని మెడ వెనుక భాగాన్ని పుష్‌ చేస్తూ నిదానంగా కుడివైపునకు మెడను తిప్పి చూడాలి. ఈ స్థితిలో 20 సెకండ్లు ఉండాలి. ఈ సమయంలో శ్వాసక్రియ నిదానంగా సాగేలా చూసుకోవాలి. మళ్లీ యథాస్థితికి చేరుకోవాలి.
• ఇప్పుడు కుడి అరచేతిని భుజంపై ఉంచి, ఎడమ చేతిని వీపుపైకి తీసుకెళ్లి అరచేతిని నడుముపై ఉంచాలి. కుడి అరచేతితో మెడను పుష్‌ చేస్తూ, మెడను ఎడమ
• వైపునకు తిప్పాలి. ఈ స్థితిలో 20 సెకండ్లు ఉన్న తర్వాత, యథాస్థితికి రావాలి.
• ఈ ఆసనం వేయడం వల్ల ఛాతీ వైశాల్యం, ఊపిరితిత్తుల సామర్థ్యం పెరుగుతుంది. మెడ, భుజాలు, నడుము, తుంటి సమస్యలు తగ్గుతాయి. మలబద్ధకం దూరమవుతుంది. నిపుణుల సలహా తీసుకున్న తర్వాతే, ఈ ఆసనాన్ని వేయాలి.
• కండ్లు తిరుగుతున్నా, వ్జైనా నుంచి రక్తస్రావం అవుతున్నా, వాంతులు అవుతున్నట్టు అనిపించినా ఈ ఆసనం ప్రయత్నించొద్దు.

అనితా అత్యాల
ప్రెగ్నెన్సీ యోగా నిపుణురాలు
6309800109