Health Tips | అనారోగ్యం ఎంత ఇబ్బందికరమో ఈతరం గ్రహిస్తున్నది. క్రమంగా ఫిట్నెస్ పట్ల శ్రద్ధ పెరుగుతున్నది. అందుకు సూచనగా, ఆరోగ్యరంగంలో సరికొత్త ట్రెండ్స్ కనిపిస్తున్నాయి. ఈ ఏడాదిని శాసించనున్న కొన్ని ధోరణులు..
ప్లాంట్ బేస్డ్ ఫుడ్ పట్ల ఆదరణ పెరుగుతున్నది. పాలిష్ చేయని ధాన్యాలు, తాజా కూరగాయలు, పండ్లు, పీచుపదార్థం ఎక్కువ ఉండే ఆహారం, పప్పులు, గింజలు.. తదితర ఆహారంతో రక్తపోటు అదుపులో ఉంటుందని, ఊబకాయ సమస్యలు రావని తెలియడమే ఇందుకు కారణం.
ఒకసారి వ్యక్తిత్వం స్థిరపడిపోయాక, ఇక మార్పు అసాధ్యంగా తోస్తుంది. ఒక వయసు దాటాక మన ఆలోచన, అలవాట్లు స్థిరంగా ఉండిపోతాయి. ఈ అభిప్రాయాలు తప్పు అని నిరూపించేదే ప్లాస్టిసిటీ. మన ఆలోచనా ధోరణి, దినచర్య, స్పందించే విధానం అన్నీ మార్చేసుకుని.. ఏకంగా మెదడు పనితీరునే మనకు అనుకూలంగా తీర్చిదిద్దుకోవచ్చని చెబుతున్నది న్యూరోప్లాస్టిసిటీ.
బహిష్టు ఆగిపోయే సమయంలో హార్మోన్ల అసమతుల్యత వల్ల రకరకాల మానసిక, శారీరక ఇబ్బందులు వస్తాయి. ఇప్పటివరకూ వీటిని పంటిబిగువున ఓర్చుకునేవారు. కానీ ట్రెండ్ మారింది. ఈ సమయంలో ఉపశమనాన్ని అందించే స్పాలు, పంచకర్మ ప్రక్రియలు, హార్మోన్ చికిత్సలు వస్తున్నాయి.
నిర్దిష్టమైన కాంతి మన చర్మం మీద పడేలా ఉంచడమే లైట్ థెరపీ. దీనివల్ల మన కణాలలోని శక్తి కేంద్రాలైన మైటోకాండ్రియా ఉత్తేజితం అవుతుందని నమ్మకం. తద్వారా మొటిమల నుంచి అల్జీమర్స్ వరకు ఎన్నో సమస్యలు దూరం అవుతాయని అంటున్నారు.
ఈ ఆయుర్వేద ఔషధాన్ని లోకమంతా తలకెత్తుకుంటున్నది. ఇందులోని అడాప్టొజెన్స్ అనే రసాయనాల గురించి అవగాహన పెరగడమే ఈ ట్రెండ్కు కారణం. ఇవి ఒత్తిడి, ఆందోళన, కుంగుబాటు, నిద్రలేమి లాంటి ఎన్నో సమస్యలను తొలగిస్తాయని తేలింది.