అరచేత ఒదిగిన మెహందీ అందమైన వర్ణాన్ని పూయించడమే కాదు, అచ్చంగా ఆ పొడి రంగు కూడా సుందరంగానే కనిపిస్తుంది. పెసరపొట్టు వన్నెకూ, ఆకుపచ్చకూ మధ్యస్తంగా ఉండే ఈ చిత్రమైన వర్ణపు డ్రెస్లో ముచ్చటగా వెలిగిపోతున్నది హీరోయిన్ రెజీనా కసాండ్రా.
అబ్స్ట్రాక్ట్ ఆకృతులు ముద్రించిన ఆస్ట్రిచ్ జాకెట్, అదే రంగు కోసెట్, సర్క్యులర్ స్కర్ట్లు ఫ్యాషన్కు కేరాఫ్ అడ్రస్లా కనిపిస్తున్నాయి. డ్రెస్కు కాంట్రాస్ట్గా గులాబీ రంగులో మెరిసిపోతున్న మెలిసా ఫెమ్మె బూట్లు ఆహార్యానికి పూర్తి ట్రెండీలుక్ తీసుకువచ్చాయి. పక్కపాపిట, చిన్న చెవిపోగులతో అందానికే అందంలా కనిపిస్తున్నదీ ముద్దుగుమ్మ..