Rare Disease Day | మీకు ఈ విషయం తెలుసా.. అరుదైన వ్యాధులకూ ఓ రోజు

Rare Disease Day | ఏటా ఫిబ్రవరి నెల చివరి రోజును అరుదైన వ్యాధుల (రేర్‌ డిసీజెస్‌) దినంగా జరుపుకొంటారు. ప్రపంచవ్యాప్తంగా అరుదైన వ్యాధిగ్రస్తుల సంఖ్య దాదాపు 40 కోట్లు ఉంటుంది. ప్రతి లక్ష మందిలో 50 నుంచి 65 మంది మాత్రమే ఓ రుగ్మత బారిన పడితే దాన్ని అరుదైన వ్యాధిగా పరిగణిస్తారు. వీటిలో చాలావరకు జన్యు సంబంధమైనవే ఉంటాయి.

Rare Disease Day | ఏటా ఫిబ్రవరి నెల చివరి రోజును అరుదైన వ్యాధుల (రేర్‌ డిసీజెస్‌) దినంగా జరుపుకొంటారు. ప్రపంచవ్యాప్తంగా అరుదైన వ్యాధిగ్రస్తుల సంఖ్య దాదాపు 40 కోట్లు ఉంటుంది. ప్రతి లక్ష మందిలో 50 నుంచి 65 మంది మాత్రమే ఓ రుగ్మత బారిన పడితే దాన్ని అరుదైన వ్యాధిగా పరిగణిస్తారు. వీటిలో చాలావరకు జన్యు సంబంధమైనవే ఉంటాయి. ఇలాంటి వ్యాధుల కచ్చితమైన నిర్ధారణకు ఏండ్ల సమయం పడుతుంది. 95 శాతం వ్యాధులకు సరైన చికిత్సలు కూడా లేవు. సంవత్సరంలోని అన్ని నెలలూ 30 లేదా 31 రోజులను కలిగి ఉంటాయి. ఒక్క ఫిబ్రవరిలో మాత్రమే తక్కువ రోజులు (28, లీపు సంవత్సరం అయితే 29) ఉంటాయి.

అందుకే అరుదైన వ్యాధుల కోసం.. ఏరికోరి ఫిబ్రవరి మాసాన్ని ఎంచుకున్నారు. దీన్ని 2008 ఫిబ్రవరి 29న తొలిసారిగా జరుపుకొన్నారు. ఫిబ్రవరి 29 నాలుగేండ్లకు ఒకసారి మాత్రమే వస్తుంది కాబట్టి, మిగిలిన సంవత్సరాల్లో ఫిబ్రవరి 28 నాడు అరుదైన వ్యాధుల దినాన్ని నిర్వహిస్తున్నారు. ఫిబ్రవరి చివరి వారాన్ని అరుదైన వ్యాధుల వారంగా కూడా పరిగణిస్తారు. ఈ ఏడు రోజులూ ఆయా వ్యాధుల బారినపడిన వారికి రోగ నిర్ధారణ పరీక్షలు జరిపిస్తారు. చికిత్స సమకూరుస్తారు. సామాజిక మద్దతు అందిస్తారు. ఆయా రుగ్మతల పట్ల చైతన్యం కల్పిస్తారు. అరుదైన వ్యాధుల పరిశోధనకు విరాళాలు సేకరిస్తారు. ప్రభుత్వాలు స్పష్టమైన విధానాలు అమలు చేయాలని డిమాండ్‌ చేస్తూ కార్యక్రమాలు నిర్వహిస్తారు.