గోళ్ల శుభ్రతే ఆరోగ్యం

ఆరోగ్యంపట్ల ఎంత జాగ్రత్తగా ఉన్నా.. చిన్న చిన్న తప్పులు పెను ముప్పులకు దారితీస్తాయి. ముఖ్యంగా చాలామంది గోళ్ల విషయంలో అశ్రద్ధ వహిస్తుంటారు. ఈ కారణంగా రకరకాల రుగ్మతలు పలకరిస్తాయి. మనదేశంలో అందరం చేత్తో భోజనం చేస్తాం కాబట్టి గోళ్లు శుభ్రం చేసుకోవడం అత్యంత అవసరం.

ఆరోగ్యంపట్ల ఎంత జాగ్రత్తగా ఉన్నా.. చిన్న చిన్న తప్పులు పెను ముప్పులకు దారితీస్తాయి. ముఖ్యంగా చాలామంది గోళ్ల విషయంలో అశ్రద్ధ వహిస్తుంటారు. ఈ కారణంగా రకరకాల రుగ్మతలు పలకరిస్తాయి. మనదేశంలో అందరం చేత్తో భోజనం చేస్తాం కాబట్టి గోళ్లు శుభ్రం చేసుకోవడం అత్యంత అవసరం. లేదంటే రకరకాల బ్యాక్టీరియా పెరిగేందుకు గోళ్లే స్థావరంగా మారిపోతాయి. భోజనం తినే ముందు, తిన్న తర్వాత చేతులతో పాటు గోళ్ల సందులను కూడా శుభ్రంగా కడుక్కోవాలి.

అంతేకాదు, వివిధ రసాయనాలతో తయారు చేసిన డిష్‌వాషర్లతో అంట్లు తోమినప్పుడు కూడా జాగ్రత్తగా ఉండాలి. అవి గోళ్లలోకి వెళ్లి తద్వారా భోజన సమయంలో నోట్లోకి చేరే అవకాశం ఉంటుంది. ఇంకా ఆరోగ్య సమస్యలకు దూరంగా ఉండేందుకు, గోళ్లను పొడవుగా పెంచుకోకుండా ఎప్పటికప్పుడు కత్తిరించుకోవాలి. కొంతమందికి గోళ్లు కొరికే అలవాటూ ఉంటుంది. దాన్ని ముందు మానేసి, గోళ్ల అపరిశుభ్రత ఆరోగ్యాన్ని ఎలా దెబ్బతీస్తుందో తెలుసుకుని పిల్లలకూ చెప్పాలి. చేతులు శుభ్రం చేసుకున్న ప్రతిసారీ గోళ్లను జాగ్రత్తగా కడుక్కుంటే వ్యాధికారకాలను చాలావరకు నివారించొచ్చు.