ఏఐ టీచర్‌ జిందాబాద్‌!

కృత్రిమ మేధతో ఐటీ ఉద్యోగాలు లక్షల్లో గల్లంతయిపోతాయని ఐటీ పండితులు ఎప్పట్నుంచో హెచ్చరిస్తున్నారు. ఏఐ రోబోల రంగప్రవేశంతో కార్మికుల ఉపాధికి గండి పడుతుందని గగ్గోలు పెడుతున్నారు. కృత్రిమ మేధకు పుట్టుకొచ్చిన ఓ రోబో ఇప్పుడు టీచరమ్మ అవతారమెత్తింది.

కృత్రిమ మేధతో ఐటీ ఉద్యోగాలు లక్షల్లో గల్లంతయిపోతాయని ఐటీ పండితులు ఎప్పట్నుంచో హెచ్చరిస్తున్నారు. ఏఐ రోబోల రంగప్రవేశంతో కార్మికుల ఉపాధికి గండి పడుతుందని గగ్గోలు పెడుతున్నారు. కృత్రిమ మేధకు పుట్టుకొచ్చిన ఓ రోబో ఇప్పుడు టీచరమ్మ అవతారమెత్తింది.

కేరళ రాజధాని తిరువనంతపురంలోని ఓ ప్రైవేట్‌ పాఠశాలలో చక్కగా పాఠాలు చెబుతున్నది. విద్యార్థులు సందేహాలు అడిగితే ఓపికగా నివృత్తి చేస్తున్నది. మార్కర్‌ల్యాబ్‌ ఎడ్యుటెక్‌ సంస్థ అభివృద్ధి చేసిన ఈ ఏఐ టీచర్‌ పేరు ఐరిస్‌. ఈ పంతులమ్మ మూడు భాషలు మాట్లాడగలదు. వివిధ విషయాలపై అనర్గళంగా ప్రసగించనూ గలదు.

చక్రాల పాదాల సాయంతో క్లాస్‌ రూమ్‌ అంతా కలియ తిరుగుతుంది కూడా! రోబో చెబుతున్న పాఠాలను పిల్లలు శ్రద్ధగా వింటున్నారట. ఈ టీచరమ్మ క్లాస్‌ కోసం ఎదురు చూస్తున్నారట. ఐరిస్‌ మనదేశంలో మొట్టమొదటి ఏఐ టీచర్‌గా గుర్తింపు పొందింది.