కళ్లజోడు వదిలించుకుందాం

‘కళ్లజోడు ఎక్కడ పెట్టాను?’ ఎన్నిసార్లు అనుకుంటారో. ఎన్నిసార్లు తమ మతిమరుపునకు తిట్టుకుంటారో? హైదరాబాదీ అమ్మాయి అమృత ఈ సమస్యకు పరిష్కారం కనిపెట్టింది.

‘కళ్లజోడు ఎక్కడ పెట్టాను?’ ఎన్నిసార్లు అనుకుంటారో. ఎన్నిసార్లు తమ మతిమరుపునకు తిట్టుకుంటారో? హైదరాబాదీ అమ్మాయి అమృత ఈ సమస్యకు పరిష్కారం కనిపెట్టింది. తనకు బాల్యం నుంచీ కంటికి సంబంధించిన మయోపిక్‌, హైపర్‌మెట్రోపిక్‌ సమస్యలున్నాయి. దీంతో చదవలేదు, దూరంగా ఉన్న వస్తువులను చూడలేదు. లేజర్‌ సర్జరీ అందుబాటులో ఉన్నా.. కత్తిగాటుతో సంబంధం లేని
తనదైన విధానాన్ని కనిపెట్టింది అమృత. యోగ ముద్రలు, సుజొక్‌ థెరపీ, ఆక్యుప్రెషర్‌లతో కూడిన
విధానమిది. ‘నా అధ్యయనంలో భాగంగా పదిహేను వందల సైన్స్‌ జర్నల్స్‌ తిరగేశాను. ఆ పరిశోధన
ఫలితమే ఇది.

ముందుగా నాపై నేనే ప్రయోగించుకున్నాను. కళ్లజోడు నుంచి విముక్తి పొందాను’ అని చెబుతున్నది అమృత. వ్యాయామంతో శరీరం శక్తివంతం అయినప్పుడు, ఆ శరీరంలోనే ఓ భాగమైన కళ్లు మాత్రం ఎందుకు మినహాయింపు అవుతాయి? కసరత్తుతో నేత్రాలకూ కొత్త శక్తిని ఇవ్వొచ్చు అమృత అధ్యయనంలో తేలిన విషయం ఇదే. ఆ సూత్రాల ఆధారంగానే ఆమె ఇప్పటికే వందమందికి కళ్లజోడు నుంచి విముక్తి కలిగించింది. ఆన్‌లైన్‌లోనూ నేత్ర వ్యాయామ పాఠాలు చెబుతున్నది. పుదుచ్చేరి అరవిందాశ్రమంలోని స్కూల్‌ ఆఫ్‌ పర్ఫెక్ట్‌ ఐ సైట్‌లో అమృత క్లాసులు తీసుకుంటుంది.