తేమను పెంచే ఉపాయాలు

ఫేస్‌ ప్యాక్‌తో పొడి చర్మానికి తేమను పెంచుకునేందుకు అనేక ప్రయత్నాలు చేస్తుంటారు. మార్కెట్లో దొరికే ఫేస్‌ప్యాక్‌ ఉత్పత్తులకు ప్రత్యామ్నాయంగా అందుబాటులో ఉన్న పండ్లు, నూనెలు, ఇతర ఉత్పత్తులను ఫేస్‌ప్యాక్‌కు ఉపయోగిస్తే అవే ఫలితాలు ఉంటాయి. చర్మ స్వభావం, సమస్యలను బట్టి ఫేస్‌ ప్యాక్‌ దేనితో చేసుకోవాలో నిర్ణయించుకుంటే ఖర్చు తక్కువలో పోతుంది. అందం ఎక్కువగా మెరిసిపోతుంది!

ఫేస్‌ ప్యాక్‌తో పొడి చర్మానికి తేమను పెంచుకునేందుకు అనేక ప్రయత్నాలు చేస్తుంటారు. మార్కెట్లో దొరికే ఫేస్‌ప్యాక్‌ ఉత్పత్తులకు ప్రత్యామ్నాయంగా అందుబాటులో ఉన్న పండ్లు, నూనెలు, ఇతర ఉత్పత్తులను ఫేస్‌ప్యాక్‌కు ఉపయోగిస్తే అవే ఫలితాలు ఉంటాయి. చర్మ స్వభావం, సమస్యలను బట్టి ఫేస్‌ ప్యాక్‌ దేనితో చేసుకోవాలో నిర్ణయించుకుంటే ఖర్చు తక్కువలో పోతుంది. అందం ఎక్కువగా మెరిసిపోతుంది!

• తేనెని చర్మంపై రాసుకుంటే అది తేమను పెంచి, పై పొరను మృదువుగా మారుస్తుంది.
• అరటి పండు గుజ్జుని ముఖంపై రాసుకుంటే గరుకుగా ఉండే పొడి చర్మం నునుపుగా మారిపోతుంది.
• పాలను ముఖానికి రాసుకుని ఆరబెట్టుకుంటే, అందులోని వెన్న పొడి చర్మాన్ని ఆయిలీగా మారుస్తుంది.
• అవకాడోలో ఉండే అధిక కొవ్వులు చర్మం కోల్పోయిన సహజ నూనెను తిరిగి భర్తీ చేస్తుంది.
• కలబంద ఫేస్‌ప్యాక్‌తో పొడిచర్మం వల్ల కలిగే దురద, అసౌకర్యం తగ్గుతాయి. అలాగే చర్మంలో తేమ కూడా పెరుగుతుంది.
• కొబ్బరి నూనెను పలుచగా ముఖానికి రాసుకుంటే చర్మం తేమను కోల్పోకుండా ఉంటుంది.
• బాదం నూనెను ముఖానికి రాసుకుంటే చర్మాన్ని మృదువుగా చేస్తుంది. చర్మానికి ఉండే స్థితిస్థాపక గుణాన్ని పెంచుతుంది. అందువల్ల చిన్నచిన్న ముడతలు పోతాయి.
• పెరుగుని ముఖానికి రాసుకుంటే చర్మాన్ని తేమగా, మృదువుగా మార్చడంతోపాటు టెక్చర్‌ని మెరుగు
  పరుస్తుంది.
• రోజ్‌ వాటర్‌ పొడిచర్మాన్ని తేమగా మారుస్తుంది. అలాగే అది రాసుకుంటే డ్రై స్కిన్‌ సమస్య వల్ల కలిగే అసౌకర్యం వెంటనే పోతుంది.
• దీర్ఘకాలంగా డ్రై స్కిన్‌ సమస్య ఉంటే ఫేస్‌ ప్యాక్‌లోకి గ్లిజరిన్‌ని ఉపయోగించాలి. ఇది తేమను పెంచడమే కాకుండా చర్మంపై ఉన్న మృతకణాలను తొలగించి మృదువుగా, కాంతిమంతంగా మారుస్తుంది.