నా ఫోటోలు పెట్టి డ‌బ్బులు అడుగుతున్నారు : క‌లెక్ట‌ర్ గోపి

అలాంటి మెసేజ్‌లు వస్తే పొరపాటున కూడా నమ్మకూడదని, ఎవ్వరూ మోసపోకూడదని ఎలాంటి ఆన్‌లైన్‌ పేమెంట్ చేయొద్ద‌ని క‌లెక్ట‌ర్ కోరారు. ఈవిషయంపైన సంబంధిత

వ‌రంగ‌ల్ జిల్లా క‌లెక్ట‌ర్ గోపి ఫేక్ మెసేజ్‌ల‌ను న‌మ్మొద్ద‌ని ప్ర‌జ‌ల‌ను కోరారు. త‌న ఫోటోను కాపీ చేసి వాట్స‌ప్ ప్రొఫైల్‌గా పెట్టుకొని గుర్తు తెలియ‌ని వ్య‌క్తులు డ‌బ్బులు అడుగుతున్నార‌ని ఆయ‌న ప్ర‌క‌ట‌న విడుద‌ల చేశారు. జిల్లా ప్ర‌జ‌లంతా అప్ర‌మ‌త్తంగా ఉండాల‌ని.. జిల్లా అధికారులు, ప్ర‌జ‌లు జాగ్ర‌త్త‌గా ఉండి త‌న ఫోటోతో వ‌చ్చే ఫేక్ మెసేజ్‌ల‌కు రెస్పాండ్ కావొద్ద‌ని కోరారు.

6201570373 నెంబ‌ర్‌కు తన ఫోటోని పెట్టుకొని, ఆ నెంబర్‌తో వాట్స‌ప్ ఉపయోగిస్తూ అమెజాన్ ఈపే గిఫ్ట్ కొనాలంటూ ఇప్పటి వరకు కొందరు జిల్లా అధికారులకు సైబర్ నేరగాళ్లు వాట్స‌ప్ మెసేజ్‌లు పెట్టిన‌ట్టు క‌లెక్ట‌ర్ ప్ర‌క‌ట‌న‌లో తెలిపారు.

అలాంటి మెసేజ్‌లు వస్తే పొరపాటున కూడా నమ్మకూడదని, ఎవ్వరూ మోసపోకూడదని ఎలాంటి ఆన్‌లైన్‌ పేమెంట్ చేయొద్ద‌ని క‌లెక్ట‌ర్ కోరారు. ఈవిషయంపైన సంబంధిత పోలీస్ స్టేషన్‌లో ఫిర్యాదు చేసిన‌ట్టు కలెక్టర్ చెప్పారు. తొంద‌ర‌లోనే ఫేక్ మెసేజ్‌లు పెట్టే సైబర్ నేరగాళ్లను పోలీసులు పట్టుకుంటారని ఆయ‌న తెలిపారు.