నేడు సీఎం రేవంత్‌రెడ్డి రాక

ముఖ్యమంత్రి రేవంత్‌రెడ్డి శనివారం వరంగల్‌, హనుమకొండ జిల్లాల్లో పర్యటించనున్నారు. కేసీఆర్‌ ప్రభుత్వం చేపట్టిన టెక్స్‌టైల్‌ పార్కు, మల్టీ సూపర్‌ స్పెషాలిటీ హాస్పిటల్‌ భవన నిర్మాణ పనులను పరిశీలించనున్నారు.

• టెక్స్‌టైల్‌ పార్కు పనుల పరిశీలన
• సూపర్‌ స్పెషాలిటీ హాస్పిటల్‌ భవన నిర్మాణ పనులు
• జీడబ్లూఎంసీ పరిధిలోని అభివృద్ధిపై సమీక్ష

వరంగల్‌, జూన్‌ 28(నమస్తే తెలంగాణ ప్రతినిధి) : ముఖ్యమంత్రి రేవంత్‌రెడ్డి శనివారం వరంగల్‌, హనుమకొండ జిల్లాల్లో పర్యటించనున్నారు. కేసీఆర్‌ ప్రభుత్వం చేపట్టిన టెక్స్‌టైల్‌ పార్కు, మల్టీ సూపర్‌ స్పెషాలిటీ హాస్పిటల్‌ భవన నిర్మాణ పనులను పరిశీలించనున్నారు. అలాగే గ్రేటర్‌ వరంగల్‌ మున్సిపల్‌ కార్పొరేషన్‌ పరిధిలోని అభివృద్ధి పనులపై రెండు జిల్లాల ఎమ్మెల్యేలు, ఉన్నతాధికారులతో సమీక్షించనున్నారు. రాష్ట్ర ప్రభుత్వం కొత్తగా చేపట్టిన మహిళా శక్తి క్యాంటీన్‌ను సీఎం రేవంత్‌రెడ్డి హనుమకొండ కలెక్టరేట్‌లో ప్రారంభించనున్నారు. వరంగల్‌, హనుమకొండ బస్‌స్టేషన్ల కొత్త భవనాల నిర్మాణాలకు నిధుల కోసం ఎమ్మెల్యేలు ప్రతిపాదనలు సిద్ధం చేశారు. మామునూరు ఎయిర్‌పోర్టు అభివృద్ధిపైనా చర్చించనున్నట్లు తెలిసింది.
సీఎం పర్యటన ఇలా..

• మధ్యాహ్నం 1.30 గంటలకు హెలికాప్టర్‌లో వరంగల్‌ జిల్లా గీసుగొండ మండలంలోని కాకతీయ మెగా టెక్స్‌టైల్‌ పార్కుకు చేరుకుంటారు.
• 1.30-1.50 గంటల వరకు కాకతీయ మెగా టెక్స్‌టైల్‌ పార్కులో పనులను పరిశీలిస్తారు.
• 1.50 గంటలకు కాకతీయ మెగా టెక్స్‌టైల్‌ పార్కు నుంచి కారులో బయలుదేరుతారు.
• 2.10 గంటలకు వరంగల్‌లోని మల్టీ సూపర్‌ స్పెషాలిటీ హాస్పిటల్‌ వద్దకు చేరుకుంటారు.
• 2.10-2.30 వరకు మల్టీ సూపర్‌ స్పెషాలిటీ హాస్పిటల్‌ నిర్మాణ పనులను పరిశీలిస్తారు.
• 2.30 గంటలకు మల్టీ సూపర్‌ స్పెషాలిటీ హాస్పిటల్‌ నుంచి కారులో బయలుదేరుతారు.
• 2.45 గంటలకు హనుమకొండ సమీకృత కలెక్టరేట్‌ కార్యాలయానికి చేరుకుంటారు.
• 2.45-3గంటల వరకు కలెక్టరేట్‌లో మహిళా శక్తి క్యాంటీన్‌ను ప్రారంభిస్తారు.
• 3గంటల నుంచి సాయంత్రం 5.30 వరకు కలెక్టరేట్‌లోని కాన్ఫరెన్స్‌ హాల్‌లో గ్రేటర్‌ వరంగల్‌ మున్సిపల్‌ కార్పొరేషన్‌ పరిధిలోని అభివృద్ధి పనులపై సమీక్షిస్తారు.
• 5.30 గంటలకు కలెక్టరేట్‌ నుంచి కారులో బయలుదేరుతారు.
• 5.40-6.10 గంటల వరకు హంటర్‌రోడ్డులోని మెడికవర్‌ హాస్పిటల్‌ను సందర్శిస్తారు.
• 6.10 గంటలకు మెడికవర్‌ హాస్పిటల్‌ నుంచి కారులో బయలుదేరుతారు.
• 6.30 గంటలకు హనుమకొండ ఆర్ట్స్‌ అండ్‌ సైన్స్‌ కాలేజీ గ్రౌండ్‌లోని హెలిప్యాడ్‌ నుంచి హెలికాప్టర్‌లో హైదరాబాద్‌కు వెళ్తారు.