Whale Shark: మ‌త్స్య‌కారుడి వ‌ల‌లో భారీ సొర‌చేప‌.. ఎంత భారీ చేప అంటే..!

Whale Shark: తాజాగా బంగాళాఖాతంలో ఓ మ‌త్స్య‌కారుడి వ‌ల‌కు చేప చిక్కింది. కానీ, అది చిన్న‌స‌న్న చేప‌కాదు.. సొర‌చేప‌. సొర అంటే సాధార‌ణ సొర కాదు.

విశాఖ‌ప‌ట్నం: స‌ముద్ర తీర ప్రాంతాల్లోని మ‌త్స్య‌కారులు నిత్యం చేప‌ల వేట‌కు స‌ముద్రాల్లోకి వెళ్తుంటారు. అయితే, వాళ్ల వ‌లల్లో చేప‌లేగాక అప్పుడప్పుడు గోండ్రుగ‌ప్ప‌లు, పాములు, మొస‌ళ్లు లాంటి ఇత‌ర జీవులు కూడా చిక్కుతుంటాయి. చేప‌ల వ‌లల్లో ఇత‌ర జీవులు చిక్క‌డం స‌ర్వ‌సాధార‌ణ‌మే. మ‌త్స్య‌కారులంద‌రూ ఏదో ఒక సందర్భంలో ఇలాంటి అనుభ‌వం పొందిన‌వారే. తాజాగా బంగాళాఖాతంలో ఓ మ‌త్స్య‌కారుడి వ‌ల‌కు మాత్రం చేపనే చిక్కింది. కానీ, అది చిన్న‌స‌న్న చేప‌కాదు.. సొర‌చేప‌. సొర అంటే సాధార‌ణ సొర కాదు. అత్యంత భారీ కాయంతో ఉండే వేల్ షార్క్‌.

వివ‌రాల్లోకి వెళ్తే.. ఆంధ్ర‌ప్ర‌దేశ్ రాష్ట్రంలోని విశాఖ తీరం నుంచి బంగాళాఖాతంలో చేప‌ల వేట‌కు వెళ్లిన మ‌త్స్య‌కారుల‌కు తంటాడి బీచ్ స‌మీపంలో ఈ భారీ మ‌త్స్య‌రాజం చిక్కింది. దాంతో మ‌త్స్యకారులు వెంట‌నే అట‌వీ అధ‌కారుల‌కు స‌మాచారం ఇచ్చారు. అక్క‌డికి చేరుకున్న అధికారులు వ‌ల నుంచి ఆ వేల్ షార్క్‌ను విడ‌దీసి మ‌ళ్లీ నీళ్ల‌లోకి వ‌దిలారు. వేల్ షార్క్‌లు చేప‌ల వ‌ల‌ల్లో చిక్క‌డం అత్యంత అరుదుగా జ‌రుగుతుంద‌ని అధికారులు చెప్పారు. అయితే, తాజాగా మ‌త్స్యకారుల వ‌ల‌లో చిక్కింది అంత భారీ వేల్ షార్క్ కాదు. అది సుమారుగా 20 నుంచి 25 అడుగుల పొడ‌వు ఉంద‌ని తెలిపారు.

ప్ర‌పంచంలోనే అతిపెద్ద చేప..

వేల్ షార్క్ అనేది ప్ర‌పంచంలోనే అత్యంత భారీ చేప‌. బాగా ఎదిగిన‌ వేల్ షార్క్‌ ప‌రిమాణం దాదాపు 20 ట‌న్నుల వ‌ర‌కు ఉంటుంది. అంటే 20 వేల కేజీలు. దాదాపు 60 అడుగుల వ‌ర‌కు పొడ‌వు పెరుగుతుంది. ఇక వేల్ షార్క్ నోట్లో 300 వ‌రుస‌ల్లో ప‌దునైన దంతాలు ఉంటాయి. దీని నోరు చాలా విశాలంగా ఉంటుంది. ఈ షార్క్ 80 ఏండ్ల నుంచి 130 ఏండ్ల వ‌ర‌కు జీవిస్తుంది. ఈ వేల్ షార్క్ చ‌ర్మం 10 నుంచి 15 సెంటీమీట‌ర్ల మందం ఉంటుంద‌ని, చ‌ర్మం న‌లుపు లేదా ముదురు నీలం రంగులో ఉండి, దానిపై తెల్ల‌ని మ‌చ్చ‌లు ఉంటాయని అట‌వీశాఖ అధికారులు చెప్పారు.