ఓ ఐడీయా జీవితాన్నే మార్చేస్తోంది. అలా ఓ మహిళకు వచ్చిన చిన్న ఐడియా.. ఓ సీతాకోక చిలుకకు ప్రాణం పోసేలా చేసింది. ఓ బటర్ ఫ్లైకి కుడి భాగంలోని రెక్క కొంచెం విరిగిపోయింది. దీంతో అది ఎగరలేని దశలో ఉండిపోయింది. ఆ సీతాకోక చిలుకను గమనించిన టిక్ టాక్ యూజర్ దహ్లియా దాన్ని చేరదీసింది. రెక్క విరిగిపోయి ఉండటంతో.. ఎగరడానికి ఆ పక్షికి శక్తి సరిపోవడం లేదు. ఎలాగైనా అది విహరిస్తే చూడాలనే సంకల్పం దహ్లియాకు ఏర్పడింది.
క్రాఫ్ట్ స్టోర్ కు వెళ్లిన దహ్లియా సీతాకోక చిలుక బొమ్మను తీసుకొని ఇంటికి వచ్చింది. పై భాగంలో ఉన్న రెక్క సైజును కొలిచి.. ఆ సైజులోనే తేలిక బరువులో ఉన్న ఈకను కట్ చేసింది. అనంతరం ఆ ఈకను విరిగిన రెక్క స్థానంలో సీతాకోక చిలుకకు అమర్చింది. ఇక తర్వాత ఆ పక్షి ఎగరడం ప్రారంభించింది. రోజురోజుకు దాంట్లో మరింత పరిణితి కనిపించింది. అలా గార్డెన్లో కూడా సీతాకోక చిలుక ఎగరడంతో దహ్లియా సంబుర పడింది.
ప్రాణానికి ప్రాణంగా చూసుకున్న సీతాకోక చిలుకకు గుర్తుగా దహ్లియా తన చేతిపై దాని ప్రతిమను టాటూగా వేయించుకుంది. నెవర్ గివ్ అప్ అంటూ రాయించుకుంది దహ్లియా. సీతాకోక చిలుక పట్ల ప్రత్యేక శ్రద్ధ వహించి.. దానికి ప్రాణం పోసిన దహ్లియాపై నెటిజన్లు ప్రశంసల వర్షం కురిపిస్తున్నారు. ప్రస్తుతం ఈ వీడియో సోషల్ మీడియాలో వైరల్ అవుతోంది.