VIRAL VIDEO: మూడు కోబ్రాల‌తో యువ‌కుడి ఆట‌..చివ‌రికి ఏమైందంటే?

కొంద‌రు పాముల‌ను చూస్తేనే ఆమ‌డ దూరం ప‌రుగెడ‌తారు. కానీ ఓ వ్య‌క్తి మూడు ప్ర‌మాద‌క‌ర‌మైన కోబ్రాల‌తో ఆటాడుకున్నాడు. వాటి తోక‌లు లాగుతూ..వాటిని రెచ్చ‌గొడుతూ స్టంట్స్ చేశాడు. అయితే, దుర‌దృష్ట‌వ‌శాత్తు అందులో ఒక కోబ్రా అత‌డిని కాటేసింది. ఈ వీడియో నెట్టింట వైర‌ల్ అవుతోంది.

కొంద‌రు పాముల‌ను చూస్తేనే ఆమ‌డ దూరం ప‌రుగెడ‌తారు. కానీ ఓ వ్య‌క్తి మూడు ప్ర‌మాద‌క‌ర‌మైన కోబ్రాల‌తో ఆటాడుకున్నాడు. వాటి తోక‌లు లాగుతూ..వాటిని రెచ్చ‌గొడుతూ స్టంట్స్ చేశాడు. అయితే, దుర‌దృష్ట‌వ‌శాత్తు అందులో ఒక కోబ్రా అత‌డిని కాటేసింది. ఈ వీడియో నెట్టింట వైర‌ల్ అవుతోంది.

క‌ర్ణాట‌క రాష్ట్రంలోని సిర్సీకి చెందిన మాజ్ స‌య్య‌ద్ పాములు ప‌ట్ట‌డంలో నిపుణుడు. వాటితో ఆటాడుకుంటూ యూట్యూబ్‌లో వీడియోలు అప్‌లోడ్ చేస్తుంటాడు. ఈ యూట్యూబ్ చాన‌ల్‌లో అతి ప్ర‌మాద‌క‌ర‌మైన ప‌ద్ధ‌తిలో ఇత‌డి వీడియోలుంటాయి. కాగా, మూడు కోబ్రాల‌తో అత‌డు అతి ప్ర‌మాద‌క‌రంగా స్టంట్స్ చేశాడు. అయితే, అందులో ఒక కోబ్రా అక‌స్మాత్తుగా అత‌డి మోకాలును ప‌ట్టుకుంది. షాక్‌కు గురైన స‌య్య‌ద్‌ వ‌దిలించుకునేందుకు ప్ర‌య‌త్నించినా ఫ‌లితం లేకుండా పోయింది.

ఈ వీడియోను ఐఎఫ్ఎస్ అధికారి సుశాంతా నందా ట్విట‌ర్‌లో షేర్ చేశారు. ఇలా పాముల‌తో ఆడ‌డం చాలా ప్ర‌మాద‌క‌ర‌మ‌ని ఆయ‌న ట్వీట్ చేశారు. ఇదిలా ఉండ‌గా, నాగుపాము కాటేసిన స‌య్య‌ద్ ద‌వాఖాన‌లో చికిత్స పొందుతున్న‌ట్లు స్నేక్‌బైట్ హీలింగ్ అండ్ ఎడ్యుకేషన్ సొసైటీ ప్రెసిడెంట్‌, ఫౌండర్ ప్రియాంక కదమ్ ఫేస్‌బుక్‌లో పోస్ట్ చేశారు. అత‌డికి 46 యాంటీ-వీనం ఇంజ‌క్ష‌న్లు ఇచ్చిన‌ట్లు పేర్కొన్నారు.

This is just horrific way of handling cobras…
The snake considers the movements as threats and follow the movement. At times, the response can be fatal pic.twitter.com/U89EkzJrFc

— Susanta Nanda IFS (@susantananda3) March 16, 2022