Clever Elephant: ఏనుగులు అనగానే.. వాటి భారీ శరీరం, చాటల్లా వెడల్పాటి చెవులు, తొండం గుర్తుకొస్తాయి. వాటి ఆకారం చూడముచ్చటగా ఉంటుంది. ఈ విషయాలు అందరికీ తెలుసు. అయితే, భారీ ఆకారంలో ఉండే ఈ ఏనుగులు చాలా తెలివైనవని చాలా కొద్ది మందికి మాత్రమే తెలుసు. ఏనుగులు ఎంత తెలివైనవో తెలియజేసే ఓ వీడియో ఇప్పుడు సోషల్ మీడియాలో వైరల్గా మారింది.
రిజర్వ్ ఫారెస్ట్లలో అడవి మృగాలు బయటికి రాకుండా ఆ అటవీ మార్గంలోని రోడ్డుకు ఇరువైపుల ఎలక్ట్రిక్ ఫెన్సింగ్ ఏర్పాటు చేస్తుంటారు. అలాగే ఏర్పాటు చేసిన ఓ ఎలక్ట్రిక్ ఫెన్సింగ్ దగ్గరికి ఓ ఏనుగు వచ్చింది. ఆ ఫెన్సింగ్ దాటి రోడ్డు ఆవలకు వెళ్లాలనేది దాని ఉద్దేశం. కానీ ఫెన్సింగ్కు కరెంటు ఉందేమోనని అది సందేహించింది. తన సందేహాన్ని నివృత్తి చేసుకునేందుకు తెలివిగా ప్రవర్తించింది.
ముందుగా ఫెన్సింగ్లోని ఒక్కో తీగను కాలితో అంటీ అంటనట్టుగా టచ్ చేస్తూ చెక్చేసింది. ఆ తీగల్లో కరెంటు సరఫరా లేదనే నిర్ధారణకు వచ్చింది. తర్వాత ఆ తీగలకు సపోర్టుగా ఉన్న గుంజను కాలితో తోక్కేసి ఫెన్సింగ్ను పడగొట్టింది. ఆ తర్వాత దర్జాగా రోడ్డు దాటి అవతలి వైపు అడవిలోకి వెళ్లిపోయింది. అందుకు సంబంధించిన వీడియోను సైన్స్ గర్ల్ అనే ట్వటర్ హ్యాండిల్లో పోస్టు చేయగా వైరల్ అయ్యింది.
ఏనుగు తెలివికి నెటిజన్లు ఫిదా అయ్యారు. ఆ వీడియోకు లైకులు, కామెంట్ల వర్షం కురిసింది. లక్షల్లో వ్యూస్ వచ్చాయి. ఏనుగు ఫెన్సింగ్కు కరెంట్ చెక్ చేసిన దృశ్యాలను కింది వీడియోలో మీరు కూడా వీక్షించవచ్చు.
Elephant carefully tests electric fence before removing it
pic.twitter.com/E1RpQQiP6x— Science girl (@gunsnrosesgirl3) March 1, 2024