కరిష్మా టన్నా..బాలీవుడ్ బ్యూటీ. టీవీ సీరియల్స్లో అదరగొట్టి బిగ్స్క్రీన్స్పైకెళ్లింది. అక్కడా తన సత్తా చాటింది. ఈ మధ్య 40 ఏళ్ల వయస్సు దాటింది. అయినా, 20 ఏళ్ల అమ్మాయిలా కనిపిస్తుంటుంది. ఏజ్ పెరిగినా అందం తరగొద్దంటే సండే మండే అని చూడకుండా జిమ్లో కష్టపడాల్సిందే అంటోంది ఈ బాలీవుడ్ బ్యూటీ. వీకెండ్స్లో ఆమె జిమ్లో రెసిస్టెన్స్ బ్యాండ్స్తో చేసిన కార్డియో ఎక్సర్సైజ్ వీడియోను ఇన్స్టాలో పెట్టింది. ఈ వీడియో నెట్టింట వైరల్ అవుతోంది.
ఈ వీడియోలో కరిష్మా రెసిస్టెన్స్ బ్యాండ్స్ ఉపయోగించి స్క్వాట్స్ చేసింది. లెగ్ రెయిసెస్, స్క్వాట్ వేరియేషన్స్, బోసు బాల్ ట్రెయినింగ్లాంటి ఎక్సర్సైజెస్ను చేసి చూపించింది. ఈ వీడియో కరిష్మా జంప్ స్క్వాట్స్తో ప్రారంభమవుతుంది. ‘కఠినంగా శిక్షణ పొందండి.. బాగా కష్టపడండి..’ అని ఈ వీడియోకు కరిష్మా క్యాప్షన్ ఇచ్చింది.