Sea Cucumber | ‘సీ కుకుంబర్‌’ జీవిని ఎప్పుడైనా చూశారా? వీడియో వైరల్‌..

Sea Cucumber | సముద్ర గర్భంలోని వింత జీవుల గురించి దాదాపు ప్రతిరోజు ఆవిష్కరణలు జరుగుతున్నాయి. ఇప్పుడు ‘సీ కుకుంబర్‌’ అనే సముద్ర జీవిని బయటపెట్టారు.

ఈ భూమండలం ఎన్నో జంతుజీవాలకు ఆవాసంగా నిలిచింది. లక్షల సంఖ్యలో జీవులు ఉన్నట్లుగా శాస్త్రవేత్తలు చెబుతుంటారు. మనం పదుల సంఖ్యలోనే జంతువులను చూసి ఉంటాం. భూమితోపాటు సముద్రం కూడా జీవులకు మర్మప్రదేశం. సముద్రజలాల్లో కొన్నింటినే గుర్తించిన శాస్త్రవేత్తలు.. ఇంకా లెక్కకు మిక్కిలి జంతువులను కనిపెట్టాల్సి ఉన్నది. సముద్ర గర్భంలోని వింత జీవుల గురించి దాదాపు ప్రతిరోజు ఆవిష్కరణలు జరుగుతున్నాయి. ఇప్పుడు ‘సీ కుకుంబర్‌’ అనే సముద్ర జీవిని బయటపెట్టారు.

ఈ ‘సీ కుకుంబర్‌’ వీడియో ఆన్‌లైన్‌లో కనిపించి నెటిజెన్లను దిగ్భ్రాంతికి గురిచేసింది. ఈ వీడియోను ఐఎఫ్‌ఎస్‌ అధికారి సుశాంత నందా ట్విట్టర్‌లో పోస్ట్‌ చేశారు. ఈ వింత జీవితం ఆహారం తీసుకునే విధానం చూసి నెటిజెన్లు కనుబొమ్మలు ఎగరేస్తున్నారు. దాని నోరు చుట్టూ ఉన్న టెంటకీల్స్‌ వంటి వాటితో ఆ జీవి ఆహారం తీసుకుంటున్న తీరు వీడియోలో స్పష్టంగా కనిపిస్తున్నది. ఈ వీడియోను రెండు రోజుల్లోనే దాదాపు 16 వేల మంది వీక్షించారు. అలాగే పెద్ద సంఖ్యలో లైకులు అందుకున్నది.

‘సీ కుకుంబర్‌’.. సముద్రం అట్టడుగున నేలను ఆంటుకుని జీవనం సాగించే ఎకినోడెర్మ్స్‌. సూక్ష్మ జీవులను తింటూ బతికే ఈ జంతువును కూడా కొందరు ఆహారంగా తీసుకుంటారట. దీని శరీరం ఆకృతి పొడవాటి దోసకాయ మాదిరిగా ఉండటంతో ‘సీ కుకుంబర్‌’ అని పేరు పెట్టారంట. ఈ సీ కుకుంబర్‌లో 1,250 రకాల జాతులున్నట్లు శాస్త్రవేత్తలు గుర్తించారంట. ఇవి 1.9 సెంటీమీటర్ల నుంచి 6 ఫీట్ల వరకు పొడవు ఉంటాయి.

Sea cucumber eating, using its feet looking like tentacles surrounding its mouth. pic.twitter.com/3jMyVGGyBt

— Susanta Nanda IFS (@susantananda3) August 2, 2022