పెండ్లి వేడుక‌లో సెల‌బ్రేట‌రీ ఫైరింగ్ : కొత్త జంట‌పై కేసు న‌మోదు!

పెండ్లి వేడుక‌లంటే బంధు మిత్రులు క‌లిసి సంద‌డి చేసే రోజులు క‌నుమ‌రుగై కాల్పుల మోత‌తో సంబ‌రాలు చేసుకుంటూ స్ధానికుల‌ను భ‌య‌బ్రాంతుల‌కు లోనుచేస్తున్నారు.

ల‌క్నో : పెండ్లి వేడుక‌లంటే బంధు మిత్రులు క‌లిసి సంద‌డి చేసే రోజులు క‌నుమ‌రుగై కాల్పుల మోత‌తో సంబ‌రాలు చేసుకుంటూ స్ధానికుల‌ను భ‌య‌బ్రాంతుల‌కు లోనుచేస్తున్నారు. యూపీలోని మీర‌ట్ జిల్లా మ‌వానాలో జరిగిన పెండ్లి ఊరేగింపులో సెల‌బ్రేట‌రీ ఫైరింగ్‌కు పాల్ప‌డిన కొత్త జంట‌పై పోలీసులు కేసు న‌మోదు చేశారు.

తుపాకీతో కాల్పులు జ‌రుపుతూ పెండ్లి కొడుకు, పెండ్లి కూతురు అత్యుత్సాహం ప్ర‌ద‌ర్శించిన వీడియో సోష‌ల్ మీడియాలో వైర‌ల్ కావ‌డంతో ఆదివారం ఈ ఘ‌ట‌న వెలుగుచూసింది. ఈ వీడియోలో వెడ్డింగ్ పార్టీలోకి కొత్త జంట ఎంట్రీ ఇవ్వ‌గానే పెండ్లి కొడుకు గ‌న్‌ను బ‌య‌ట‌కు తీసి గాలిలోకి కాల్పులు జ‌రిపాడు.

పెండ్లి కొడుకు కాల్పులు జ‌రుపుతుండ‌గా చుట్టూ గుమికూడిన వారు చ‌ప్ప‌ట్ల‌తో మోతెక్కించారు. సెలబ్రేట‌రీ ఫైరింగ్ ఘ‌ట‌న‌లో కొత్త జంట‌పై కేసు న‌మోదు చేసిన పోలీసులు ద‌ర్యాప్తు ముమ్మ‌రం చేశారు. వీడియో త‌మ దృష్టికి రావ‌డంతో కేసు న‌మోదు చేసి ద‌ర్యాప్తు ముమ్మ‌రం చేశామ‌ని మీర‌ట్ ఎస్‌పీ కేశవ్ కుమార్ తెలిపారు. ఫైరింగ్‌లో ఉప‌యోగించిన గ‌న్ వారికి ఎలా వ‌చ్చిందో ఆరా తీస్తున్నామ‌ని చెప్పారు.