Viral Video: వరుడి మెడలో డబ్బుల దండ… కొన్ని నోట్లు చోరీ చేసిన స్నేహితుడు

న్యూఢిల్లీ: వరుడి మెడలోని డబ్బుల దండ నుంచి కొన్ని నోట్లను అతడి స్నేహితుడు దొంగిలించాడు. ఈ వీడియో ఇంటర్‌నెట్‌లో వైరల్‌ అయ్యింది. ఒక చోట పెళ్లి జరుగుతున్నది. ఈ సందర్భంగా వరుడి మెడలో కరెన్సీ దండను వేశారు. పెండ్లి వేదికపై కూర్చున్న పెండ్లికొడుకు బంధువులు చెప్పేది వింటున్నాడు. ఇంతలో అతడికి దగ్గరగా కుర్చీలో కూర్చొన్న స్నేహితుడు చోరీకి ప్రయత్నించాడు. వరుడు ఒకసారి తలతిప్పగా ఆ వ్యక్తి తన చేతిని వెనక్కి తీసుకున్నాడు. అయితే వరుడు పెండ్లి తంతులో బిజీ కాగా అతడి మెడలో ఉన్న డబ్బుల దండ నుంచి కొన్ని నోట్లు పెకలించిన స్నేహితుడు మెల్లగా తన ప్యాంటు జేబులో పెట్టుకున్నాడు.

కాగా, ఈ చోరీని ఒకరు తన మొబైల్‌ ఫోన్‌లో రికార్డు చేశారు. దీంతో సోషల్‌ మీడియాలో పోస్ట్‌ అయిన ఈ వీడియో వైరల్‌ అయ్యింది. ఒక్క రోజులోనే లక్ష మంది దీనిని చూశారు. నెటిజన్లు కూడా భిన్నంగా స్పందించారు. డబ్బులను చూస్తే ఎవరికైనా ఆశ పుడుతుందని ఒకరు, ఇది కూడా వ్యాపారమని మరొకరు కామెంట్‌ చేశారు.

https://youtu.be/iY6GcaOgEsE