NDRF | ఎన్డీఆర్‌ఎఫ్‌ ట్విట్టర్‌ ఖాతా హ్యాక్‌

NDRF Twitter Handle | నేషనల్‌ డిజాస్టర్ రెస్పాన్స్ ఫోర్స్ (NDRF) అధికారిక ట్విట్టర్ హ్యాండిల్‌ను శనివారం అర్ధరాత్రి హ్యాకింగ్‌కు గురైంది. సాంకేతిక నిపుణులు ఖాతాను పునరుద్ధరించేందుకు ప్రయత్నిస్తున్నట్లు ఎన్‌డీఆర్‌ఎఫ్‌

న్యూఢిల్లీ : నేషనల్‌ డిజాస్టర్ రెస్పాన్స్ ఫోర్స్ (NDRF) అధికారిక ట్విట్టర్ హ్యాండిల్‌ శనివారం అర్ధరాత్రి హ్యాకింగ్‌కు గురైంది. సాంకేతిక నిపుణులు ఖాతాను పునరుద్ధరించేందుకు ప్రయత్నిస్తున్నట్లు ఎన్‌డీఆర్‌ఎఫ్‌ డీజీ ఆదివారం తెలిపారు. ఇటీవల వరుసగా భారత్‌లో ట్విట్టర్‌ ఖాతాలు హ్యాకింగ్‌ బారినపడుతుండడం సర్వత్రా ఆందోళన వ్యక్తమవుతున్నది. ఇప్పటికే పలువురు ప్రముఖల ఖాతాల్‌ హ్యాకింగ్‌కు గురయ్యారు. ఈ నెల 12న కేంద్ర సమాచార, ప్రసార శాఖ అధికార ట్విట్టర్‌ హ్యాండిల్‌ హ్యాక్‌ చేసిన హ్యాకర్లు ‘ఎలాన్‌ మస్క్‌’గా మార్చడంతో పాటు 50కిపైగా వరుస ట్వీట్లు చేశారు.

హరీ అప్​ (Hurry Up) , అమేజింగ్ (Amazing) అంటూ రాసి వాటి కింద టెస్లా అధినేత ఎలాన్ మస్క్​ ఫొటోతో హైపర్ లింక్‌లు పోస్ట్‌ చేశారు. దీంతో వెంటనే అప్రమత్తమైన అధికారులు ఖాతాను పునరుద్ధరించి ఆ ట్వీట్లను డిలీట్ చేశారు. డిసెంబర్‌లో ప్రధాని నరేంద్ర మోదీ ట్విట్టర్‌ ఖాతా హ్యాకర్ల బారినపడ్డ విషయం తెలిసిందే. హ్యాకర్లు భారతదేశం ‘బిట్‌ కాయిన్‌ను అధికారికంగా చట్టబద్ధమైన బిడ్‌గా స్వీకరించింది‘ అని పేర్కొంటూ ట్వీట్‌ చేశారు. ఆ తర్వాత అధికారులు వెంటనే ఖాతాను పునరుద్ధరించారు. ఇండియన్‌ కౌన్సిల్‌ ఆఫ్‌ వరల్డ్‌ అఫైర్‌ (ICWA), ఇండియన్ మెడికల్ అసోసియేషన్ (IMA), మన్ దేశి మహిళా బ్యాంక్ ట్విట్టర్ ఖాతాలూ హ్యాకింగ్‌ బారినపడ్డాయి.