Suryapet | పెట్రోల్‌ ట్యాంక్‌పై యువకుడిని కూర్చోబెట్టుకుని.. సూర్యాపేటలో బైక్‌పై యువకుల వెకిలి చేష్టలు.. !

Suryapet | సూర్యాపేట గవర్నమెంట్‌ జూనియర్‌ కాలేజీ రోడ్డులో ఓ యువకుడిని పెట్రోల్‌ ట్యాంక్‌పై కూర్చోబెట్టి మరో యువకుడు బైక్‌ నడిపిన ఘటన చర్చనీయాంశంగా మారింది.

Suryapet | సూర్యాపేట జిల్లా కేంద్రంలో యువకుల వెకిలి చేష్టలు ఇప్పుడు చర్చనీయాంశంగా మారాయి. గవర్నమెంట్‌ జూనియర్‌ కాలేజీ రోడ్డులో ఓ యువకుడిని బైక్‌ పెట్రోల్‌ ట్యాంక్‌పై కూర్చోబెట్టుకుని మరో యువకుడు బైక్‌ నడిపిన ఘటన స్థానికుల దృష్టిని ఆకర్షించింది.

సాధారణంగా బైక్‌ సీటుపై కూర్చొని ప్రయాణించాల్సిన వ్యక్తిని పెట్రోల్‌ ట్యాంక్‌పై కూర్చోబెట్టి వాహనం నడపడం ప్రమాదకరమని స్థానికులు చెబుతున్నారు. బైక్‌ అదుపుతప్పినా, ఎదురుగా వాహనం వచ్చినా ఇద్దరూ కిందపడే ప్రమాదం ఉందని ఆందోళన వ్యక్తం చేస్తున్నారు.

గవర్నమెంట్‌ జూనియర్‌ కాలేజీ రోడ్డులోనే కాకుండా పట్టణంలోని పలు ప్రాంతాల్లో కొందరు యువకులు బైక్‌లపై విన్యాసాలు చేస్తూ, ర్యాష్‌గా డ్రైవింగ్‌ చేస్తున్నారని స్థానికులు చెబుతున్నారు. రోడ్లపై వేగంగా బైక్‌లు నడపడం, ప్రమాదకరంగా ప్రయాణించడం వల్ల ఇతర వాహనదారులు, పాదచారులు ఇబ్బందులు ఎదుర్కొంటున్నారని పేర్కొంటున్నారు.

బహిరంగ రహదారులపై ఇలాంటి ప్రమాదకర డ్రైవింగ్‌ను నియంత్రించేందుకు ట్రాఫిక్‌ పోలీసులు ప్రత్యేకంగా దృష్టి సారించాలని స్థానికులు కోరుతున్నారు. గవర్నమెంట్‌ జూనియర్‌ కాలేజీ రోడ్డు పరిసరాల్లో నిఘా పెంచి, నిబంధనలు ఉల్లంఘించే వారిపై చర్యలు తీసుకోవాలని విజ్ఞప్తి చేస్తున్నారు.

 

సూర్యాపేటలో బైక్‌పై యువకుల వెకిలిచేష్టలు

గవర్నమెంట్ జూనియర్ కాలేజీ రోడ్డులో ఓ యువకుడిని పెట్రోల్ ట్యాంక్‌పై కూర్చోబెట్టి బైక్ డ్రైవ్ చేసిన మరో యువకుడు

అలానే నిత్యం యువకులు బైక్‌లపై విన్యాసాలు చేస్తూ, ర్యాష్ డ్రైవింగ్ చేస్తూ ఇబ్బందులు కలిగిస్తున్నారని, వీరిపై ట్రాఫిక్ పోలీసులు… pic.twitter.com/aWiyxb0cnP

— Telugu Scribe (@TeluguScribe) October 2, 2026