TS ICET | టీఎస్ ఐసెట్‌-2024 నోటిఫికేష‌న్ విడుద‌ల‌.. మార్చి 7 నుంచి ద‌ర‌ఖాస్తుల స్వీక‌ర‌ణ

TS ICET | ఎంబీఏ, ఎంసీఏ కోర్సుల్లో ప్ర‌వేశాల నిమిత్తం నిర్వ‌హించే టీఎస్ ఐసెట్ ప్ర‌వేశ ప‌రీక్ష‌కు సంబంధించిన షెడ్యూల్ విడుద‌లైంది. మార్చి 5వ తేదీన టీఎస్ ఐసెట్‌-2024 నోటిఫికేష‌న్‌ను విడుద‌ల చేయ‌నున్న‌ట్లు ఐసెట్ క‌న్వీన‌ర్ ప్రొఫెస‌ర్ తాటికొండ ర‌మేశ్‌ వెల్ల‌డించారు.

TS ICET | హైద‌రాబాద్ : ఎంబీఏ, ఎంసీఏ కోర్సుల్లో ప్ర‌వేశాల నిమిత్తం నిర్వ‌హించే టీఎస్ ఐసెట్ ప్ర‌వేశ ప‌రీక్ష‌కు సంబంధించిన షెడ్యూల్ విడుద‌లైంది. మార్చి 5వ తేదీన టీఎస్ ఐసెట్‌-2024 నోటిఫికేష‌న్‌ను విడుద‌ల చేయ‌నున్న‌ట్లు ఐసెట్ క‌న్వీన‌ర్ ప్రొఫెస‌ర్ తాటికొండ ర‌మేశ్‌ వెల్ల‌డించారు. మార్చి 7వ తేదీ నుంచి ద‌ర‌ఖాస్తుల‌ను ఆన్‌లైన్ ద్వారా స్వీక‌రించ‌నున్నారు. ఎలాంటి ఆల‌స్య రుసుం లేకుండా ఏప్రిల్ 30వ తేదీ వ‌ర‌కు ద‌ర‌ఖాస్తుల‌ను స‌మ‌ర్పించొచ్చు. ఆల‌స్య రుసుం రూ. 250తో మే 17 వ‌ర‌కు, రూ. 500తో మే 27వ తేదీ లోపు ద‌ర‌ఖాస్తు చేసుకోవ‌చ్చు. జూన్ 4, 5 తేదీల్లో కంప్యూట‌ర్ బేస్డ్ విధానంలో రాత‌ప‌రీక్ష నిర్వ‌హించనున్నారు.