ముగిసిన తిరుమల శ్రీవారి సాలకట్ల బ్రహ్మోత్సవాలు

తిరుమల శ్రీవారి సాలకట్ల బ్రహ్మోత్సవాలు ఘనంగా ముగిసినట్టు తిరుమల తిరుపతి దేవస్థానం (టీటీడీ)చైర్మన్‌ బీఆర్‌ నాయుడు తెలిపారు. బుధవారం ఆయన తిరుమలలో విలేకరులతో మాట్లాడుతూ సాలకట్ల బ్రహ్మోత్సవాల సందర్భంగా 8 రోజుల్లో 5.76 లక్షల మంది భక్తులు శ్రీవారిని దర్శనం చేసుకున్నారని తెలిపారు.

హైదరాబాద్‌, సెప్టెంబర్‌ 23 (నమస్తే తెలంగాణ) : తిరుమల శ్రీవారి సాలకట్ల బ్రహ్మోత్సవాలు ఘనంగా ముగిసినట్టు తిరుమల తిరుపతి దేవస్థానం (టీటీడీ)చైర్మన్‌ బీఆర్‌ నాయుడు తెలిపారు. బుధవారం ఆయన తిరుమలలో విలేకరులతో మాట్లాడుతూ సాలకట్ల బ్రహ్మోత్సవాల సందర్భంగా 8 రోజుల్లో 5.76 లక్షల మంది భక్తులు శ్రీవారిని దర్శనం చేసుకున్నారని తెలిపారు. రూ 28.94 కోట్ల హుండీ ఆదాయం వచ్చినట్టు చెప్పారు.

గరుడసేవ రోజున భక్తులందరికీ దర్శనం కల్పించామని పేర్కొన్నారు. భక్తుల కోసం గ్రూప్‌ ఇన్సూరెన్స్‌ పథకాన్ని ప్రారంభించినట్టు తెలిపారు. అలిపిరి సమీపంలో శ్రీవారి భక్తుల సౌకర్యార్థం 50 ఎకరాల్లో అత్యాధునిక ఇంటిగ్రేటెడ్‌ టౌన్‌షిప్‌ నిర్మాణానికి ప్రణాళికలు రూపొందిస్తున్నట్టు వెల్లడించారు.