హైకోర్టులో మహిళా న్యాయవాదుల హాళ్లు ప్రారంభం

హైకోర్టులో మహిళా న్యాయవాదుల కోసం పునరుద్ధరించిన అసోసియేషన్‌ హాళ్లను తాతాలిక ప్రధాన న్యాయమూర్తి జస్టిస్‌ పీ శ్యామ్‌ కోశీ శుక్రవారం ప్రారంభించారు. హైకోర్టులోని 13, 15వ కోర్టు హాళ్ల పకన ఈ హాళ్లను ఏర్పాటు చేశారు.

హైదరాబాద్‌, అక్టోబర్‌ 16 (నమస్తే తెలంగాణ) : హైకోర్టులో మహిళా న్యాయవాదుల కోసం పునరుద్ధరించిన అసోసియేషన్‌ హాళ్లను తాతాలిక ప్రధాన న్యాయమూర్తి జస్టిస్‌ పీ శ్యామ్‌ కోశీ శుక్రవారం ప్రారంభించారు. హైకోర్టులోని 13, 15వ కోర్టు హాళ్ల పకన ఈ హాళ్లను ఏర్పాటు చేశారు. హైకోర్టు అడ్వకేట్స్‌ అసోసియేషన్‌ అధ్యక్షుడు ఎస్‌ సురేందర్‌రెడ్డి నేతృత్వంలో ఈ కార్యక్రమం జరిగింది.

మహిళా న్యాయవాదుల సౌకర్యం, సంక్షేమాన్ని దృష్టిలో ఉంచుకుని ఈ హాళ్లను పునరుద్ధరించినట్టు అసోసియేషన్‌ కార్యవర్గం తెలిపింది. కార్యక్రమంలో హైకోర్టు న్యాయమూర్తులు, అసోసియేషన్‌ కార్యవర్గ సభ్యులు, సీనియర్‌ న్యాయవాదులు పాల్గొన్నారు. ఈ సందర్భంగా హైకోర్టు అడ్వకేట్స్‌ అసోసియేషన్‌ కార్యవర్గం జస్టిస్‌ శ్యామ్‌ కోశీకి కృతజ్ఞతలు తెలిపింది.

ఏసీబీకి చిక్కిన రంగారెడ్డి హెచ్‌ఈఈవో సస్పెన్షన్‌

హైదరాబాద్‌, అక్టోబర్‌ 16 (నమస్తే తెలంగాణ): రంగారెడ్డి జిల్లా హెల్త్‌ ఎడ్యుకేషన్‌ అండ్‌ ఎక్స్‌టెన్షన్‌ ఆఫీసర్‌(హెచ్‌ఈఈవో) కే శ్రీనివాసులుపై సస్పెన్షన్‌ వేటు పడింది. సీజ్‌ చేసిన ఓ ఫిజియోథెరపీ కేంద్రాన్ని తెరిచేందుకు లంచం తీసుకుంటుండగా ఏసీబీ అధికారులకు పట్టుబడిన విషయం తెలిసిందే. దీంతో ఆయనను సస్పెండ్‌ చేస్తూ హెల్త్‌ అండ్‌ ఫ్యామిలీ వెల్ఫేర్‌ కమిషనర్‌ ఉత్తర్వులు జారీ చేశారు.