‘శ్రీరాంసాగర్‌’ పరిహారంపై విచారణ వాయిదా

శ్రీరాంసాగర్‌ ప్రాజెక్టు (ఎస్‌ఆర్‌ఎస్‌పీ) ముంపుతో వ్యవసాయ భూమిని కోల్పోయిన బాధితురాలికి 20 ఏండ్లుగా ప్రత్యామ్నాయ భూమిని కేటాయించకపోవడంతో రూ.10 లక్షల పరిహారం చెల్లించాలని సింగిల్‌ జడ్జి ఇచ్చిన తీర్పుపై హైకోర్టు తన నిర్ణయాన్ని వాయిదా వేసింది.

హైదరాబాద్‌, సెప్టెంబర్‌ 26 (నమస్తే తెలంగాణ): శ్రీరాంసాగర్‌ ప్రాజెక్టు (ఎస్‌ఆర్‌ఎస్‌పీ) ముంపుతో వ్యవసాయ భూమిని కోల్పోయిన బాధితురాలికి 20 ఏండ్లుగా ప్రత్యామ్నాయ భూమిని కేటాయించకపోవడంతో రూ.10 లక్షల పరిహారం చెల్లించాలని సింగిల్‌ జడ్జి ఇచ్చిన తీర్పుపై హైకోర్టు తన నిర్ణయాన్ని వాయిదా వేసింది.

రెండు వారాల్లోగా ప్రత్యామ్నాయ భూమిని కేటాయించి బాధితురాలికి స్వాధీనం చేస్తామని ప్రభుత్వం తరఫు న్యాయవాది హామీ ఇవ్వడంతో పరిహారం చెల్లింపు అంశాన్ని అక్టోబర్‌ 13న పరిశీలిస్తామని ధర్మాసనం స్పష్టం చేసింది. ఈ మేరకు హైకోర్టు చీఫ్‌ జస్టిస్‌ అపరేశ్‌ కుమార్‌ సింగ్‌, జస్టిస్‌ వీ రామకృష్ణారెడ్డి ధర్మాసనం ఇటీవల ఆదేశాలు జారీచేసింది.