ఎస్జీటీ స్పోర్ట్స్‌ ఉద్యోగాల క్రమబద్ధీకరణ నిలిపివేత

రాష్ట్రంలో డీఎస్సీ-2024 స్పోర్ట్స్‌ కోటా కింద నియమితులైన ఎస్జీటీ ఉపాధ్యాయుల సర్వీస్‌ క్రమబద్ధీకరణ(ప్రొబేషన్‌ డిక్లరేషన్‌) ప్రక్రియకు తాతాలికంగా బ్రేక్‌ పడింది.

హైదరాబాద్‌, నవంబర్‌ 5 (నమస్తే తెలంగాణ): రాష్ట్రంలో డీఎస్సీ-2024 స్పోర్ట్స్‌ కోటా కింద నియమితులైన ఎస్జీటీ ఉపాధ్యాయుల సర్వీస్‌ క్రమబద్ధీకరణ(ప్రొబేషన్‌ డిక్లరేషన్‌) ప్రక్రియకు తాతాలికంగా బ్రేక్‌ పడింది. 2024 నియామకాల్లో భాగంగా రాష్ట్రవ్యాప్తంగా నోటిఫై అయిన 96 ఎస్జీటీ స్పోర్ట్స్‌ పోస్టుల్లో 33 మంది ఇప్పటికే విధుల్లో చేరి రెండేండ్ల కాలపరిమితి పూర్తి చేసుకున్నారు. వారికి ప్రొబేషన్‌ ఖరారు చేసేందుకు విద్యాశాఖ సన్నాహాలు చేస్తున్న తరుణంలో, స్పోర్ట్స్‌ శాఖ రాసిన లేఖతో విద్యాశాఖ కీలక మెమో జారీ చేస్తూ ఈ ప్రక్రియను నిలిపివేసింది.