Telangana SC Act | అమల్లోకి తెలంగాణ ఎస్సీ వర్గీకరణ చట్టం.. గెజిట్‌ విడుదల చేసిన ప్రభుత్వం

రాష్ట్రంలో ఎస్సీ వర్గీకరణ చట్టం (Telangana SC Act) అమల్లోకి వచ్చింది. బాబాసాహెబ్‌ అంబేద్కర్‌ జయంతిని పురస్కరించుకుని ఎస్సీ వర్గీకరణకు సంబంధించిన జీవోను ప్రభుత్వం విడుదల చేసింది.

హైదరాబాద్‌: రాష్ట్రంలో ఎస్సీ వర్గీకరణ చట్టం (Telangana SC Act) అమల్లోకి వచ్చింది. బాబాసాహెబ్‌ అంబేద్కర్‌ జయంతిని పురస్కరించుకుని ఎస్సీ వర్గీకరణకు సంబంధించిన జీవోను ప్రభుత్వం విడుదల చేసింది. దీంతో ఎస్సీలకు ఇప్పటివరకు గంపగుత్తగా అమలైన రిజర్వేషన్లను ఇక నుంచి వర్గీకరణ ప్రకారం అందనున్నాయి. మొత్తం 56 ఎస్సీ కులాలను మూడు గ్రూపులుగా విభజించింది. ఏ గ్రూప్‌లో 15 ఉప కులాలు ఉండగా.. వారికి 1 శాతం రిజర్వేషన్లు, బీ గ్రూప్‌లో ఉన్న 18 కులాలకు 9 శాతం, సీ గ్రూప్‌లో ఉన్న 26 కులాలకు 5 శాతం రిజర్వేషన్లు వర్తించనున్నట్లు పేర్కొంది. ఇకపై గ్రూపులు, కులాల ప్రాధాన్యత క్రమంలో ప్రభుత్వ ఉద్యోగాల ఖాళీలను భర్తీచేయనున్నారు. ఈ గెజిట్‌ తెలుగు, ఉర్దూ, ఇంగ్లిష్‌ భాషల్లో అందుబాటులో ఉందని వెల్లడించింది.

ఎస్సీ రిజర్వేషన్‌ వర్గీకరణ ఇలా

గ్రూపు              ఉపకులాలు               రిజర్వేషన్‌ శాతం
ఏ                         15                                          1%
బీ                        18                                           9%
సీ                        26                                           5%