Rajiv Sagar | ఓటమి భయంతోనే దర్యాప్తు సంస్థలతో దాడులు : మేడే రాజీవ్‌ సాగర్‌

Rajiv Sagar | ఓటమి భయంతోనే బీజేపీ దర్యాప్తు సంస్థలను ఉసిగొల్పుతుందని తెలంగాణ ఫుడ్స్ చైర్మన్ మేడే రాజీవ్ సాగర్ విమర్శించారు. ఈ విషయంపై ఖమ్మం సభలో ప్రజలు నిలదీస్తారని తెలిసే అమిత్ షా సభను రద్దు చేసుకున్నారన్నారు.

Rajiv Sagar | ఓటమి భయంతోనే బీజేపీ దర్యాప్తు సంస్థలను ఉసిగొల్పుతుందని తెలంగాణ ఫుడ్స్ చైర్మన్ మేడే రాజీవ్ సాగర్ విమర్శించారు. ఈ విషయంపై ఖమ్మం సభలో ప్రజలు నిలదీస్తారని తెలిసే అమిత్ షా సభను రద్దు చేసుకున్నారన్నారు. వారి మాట వినని, బీజేపీ పార్టీలోకి వెళ్లని నేతపై దర్యాప్తు సంస్థలు దాడులు జరిపి భయభ్రాంతులకు గురి చేస్తున్నారని ఆరోపించారు. బీఆర్ఎస్ నేతలు బీజేపీ చిల్లర రాజకీయాలకు భయపడరని స్పష్టం చేశారు. బీజేపీ ఎన్ని కుయుక్తులు పన్నినా తెలంగాణలో వారి ఆటలు సాగవని హెచ్చరించారు.

బీజేపీయేతర రాష్ట్ర సర్కారులను ఇబ్బంది పెట్టేందుకే దర్యాప్తు సంస్థలను దుర్వినియోగం చేస్తున్నారని పేర్కొన్నారు. గతంలో ఎమ్మెల్సీ కవితను అన్యాయంగా ఢిల్లీ లిక్కర్ స్కాంలో ఇరికించారని మండిపడ్డారు. విచారణ అంటూ హడావిడి చేసి దర్యాప్తు సంస్ధ దాఖలు చేసిన చార్జిషీట్‌లో పేరు లేదన్నారు. తెలంగాణతో పాటు విపక్షాలు పాలిస్తున్న రాష్ట్రాల్లో కావాలనే దర్యాప్తు సంస్ధలతో దాడులు చేయిస్తున్నారని విమర్శించారు. తెలంగాణ ప్రజలకు బీజేపీ కపట నాటకాలు అర్థమయ్యాయని, రానున్న ఎన్నికల్లో వారికి తప్పకుండా బుద్ధి చెబుతారని స్పష్టం చేశారు.