Visit:
హైదరాబాద్, సెప్టెంబర్ 23 (నమస్తే తెలంగాణ) : దవాఖానల్లో చోటు చేసుకుంటున్న వరుస ఘటనల దృష్ట్యా ప్రభుత్వం వెంటనే దవాఖానాల్లో మౌలిక వసతులు మెరుగుపర్చాలని తెలంగాణ జూనియర్ డాక్టర్ల అసోసియేషన్(టీ-జూడా) డిమాండ్ చేసింది. ఈ మేరకు బుధవారం ప్రతినిధులు ప్రకటన విడుదల చేశారు. దవాఖానల్లో భద్రతా ప్రమాణాల ఆడిట్లు నిర్వహించాలని, సకాలంలో నిధులు విడుదల చేయడంతోపాటు అత్యవసర మరమ్మతులు వెంటనే చేపట్టాలని కోరారు. వరంగల్ ఎంజీఎం, కొత్త ఉస్మానియా దవాఖానలతోపాటు నిర్మాణంలో ఉన్న ప్రభుత్వ దవాఖానలను వెంటనే పూర్తి చేయాలని కోరారు.
మారుమూల ప్రాంతాల్లో వైద్యులు, ఆరో గ్య సిబ్బందికి సురక్షిత నివాస వసతులు కల్పించాలని విన్నవించారు. అత్యవసర తరలింపు, విపత్తు నిర్వహణ వ్యవస్థలను బలోపేతం చేయాలని కోరారు. ప్రభుత్వ ఆరోగ్య మౌలిక వసతుల పనులను మానిటరింగ్ చేసేందుకు రాష్ట్ర స్థాయి పర్యవేక్షణ వ్యవస్థను ఏర్పాటు చేయాలని డిమాండ్ చేశారు.
