అభివృద్ధిని మరిచిన సర్కారు: బడుగుల

ఆరు గ్యారెంటీలు, 420 హామీలు ఇచ్చి అధికారంలోకి వచ్చిన కాంగ్రెస్‌ ప్రభుత్వం అభివృద్ధిని పూర్తిగా మరిచిందని రాజ్యసభ మాజీ సభ్యుడు, బీఆర్‌ఎస్‌ పార్టీ సూర్యాపేట జిల్లా అధ్యక్షుడు బడుగుల లింగయ్యయాదవ్‌ విమర్శించారు.

సూర్యాపేట టౌన్‌, జూన్‌ 3: ఆరు గ్యారెంటీలు, 420 హామీలు ఇచ్చి అధికారంలోకి వచ్చిన కాంగ్రెస్‌ ప్రభుత్వం అభివృద్ధిని పూర్తిగా మరిచిందని రాజ్యసభ మాజీ సభ్యుడు, బీఆర్‌ఎస్‌ పార్టీ సూర్యాపేట జిల్లా అధ్యక్షుడు బడుగుల లింగయ్యయాదవ్‌ విమర్శించారు. సూర్యాపేటలోని బీఆర్‌ఎస్‌ పార్టీ జిల్లా కార్యాలయంలో జాతీయ పతాకంతోపాటు పార్టీ జెండాను ఆవిష్కరించారు. ఈ సందర్భంగా ఆయన మాట్లాడుతూ.. మహా ఉద్యమాన్ని నిర్మించిన కేసీఆర్‌ తెలంగాణ రాష్ట్రం సాధించి పదేండ్లు అధికారం చేపట్టి అన్ని వర్గాల ప్రజలను ఆదుకున్నారని చెప్పారు. నేడు అన్ని వర్గాల ప్రజలు ఆరు నెలల కాంగ్రెస్‌ పాలనలో అనేక అవస్థలు పడుతున్నారని విమర్శించారు. ఎన్నికల్లో ఓడిపోయినంత మాత్రాన బీఆర్‌ఎస్‌ పడిపోతుందని కాంగ్రెస్‌ నాయకులు పిచ్చికలలు కంటున్నారని, కాంగ్రెస్‌ జేజేమ్మలు వచ్చినా తెలంగాణలో కేసీఆర్‌కు తిరుగు లేదని స్పష్టంచేశారు.