నకిలీ వైద్యులపై చర్యలకు టాస్క్‌ఫోర్స్‌ ఏర్పాటు చేయాలి

రాష్ట్రవ్యాప్తంగా నకిలీ వైద్యులపై చర్యలకు ప్రత్యేక టాస్క్‌ఫోర్స్‌ ఏర్పాటు చేయాలని హెల్త్‌కేర్‌ రిఫార్మ్స్‌ డాక్టర్స్‌ అసోసియేషన్‌(హెచ్‌ఆర్డీఏ) డిమాండ్‌ చేసింది. బుధవారం అసోసియేషన్‌ రాష్ట్ర అధ్యక్షుడు కార్తిక్‌ నాగుల ప్రకటన విడుదల చేశారు. హైదరాబాద్‌లో 11 మంది నకిలీ వైద్యులను టాస్క్‌ఫోర్స్‌, పోలీసులు అరెస్ట్‌ చేయడాన్ని స్వాగతిస్తున్నట్టు పేర్కొన్నారు.

• హెల్త్‌కేర్‌ రిఫార్మ్స్‌ డాక్టర్స్‌ అసోసియేషన్‌ డిమాండ్‌

హైదరాబాద్‌, ఆగస్టు 26 (నమస్తే తెలంగాణ) : రాష్ట్రవ్యాప్తంగా నకిలీ వైద్యులపై చర్యలకు ప్రత్యేక టాస్క్‌ఫోర్స్‌ ఏర్పాటు చేయాలని హెల్త్‌కేర్‌ రిఫార్మ్స్‌ డాక్టర్స్‌ అసోసియేషన్‌(హెచ్‌ఆర్డీఏ) డిమాండ్‌ చేసింది. బుధవారం అసోసియేషన్‌ రాష్ట్ర అధ్యక్షుడు కార్తిక్‌ నాగుల ప్రకటన విడుదల చేశారు. హైదరాబాద్‌లో 11 మంది నకిలీ వైద్యులను టాస్క్‌ఫోర్స్‌, పోలీసులు అరెస్ట్‌ చేయడాన్ని స్వాగతిస్తున్నట్టు పేర్కొన్నారు.

రాష్ట్రంలో గుర్తింపు పొందిన వైద్య విద్యార్హతలు, రిజిస్ట్రేషన్‌ లేకుండా అనేక మంది ఆర్‌ఎంపీలుగా, గ్రామీణ వైద్యులుగా చలామణి అవుతున్నారని తెలిపారు. వైద్యం పేరుతో మందులు రాయడం, ఇంజెక్షన్లు ఇవ్వడం, ఐవీ ఫ్లూయిడ్స్‌ ఎక్కించి ప్రజల ఆరోగ్యంతో చలగాటం ఆడుతున్నారని ఆందోళన వ్యక్తంచేశారు. ఇటీవల వీరి వైద్యం కారణంగా మరణాలు సంభవించిన ఘటనలు ఉన్నాయని గుర్తుచేశారు.