హైదరాబాద్ : తెలంగాణ స్టేట్ డెయిరీ డెవలప్మెంట్ కో ఆపరేటివ్ ఫెడరేషన్ లిమిటెడ్ చైర్మన్గా సోమా భరత్కుమార్ నియామకమయ్యారు. భరత్ను సీఎం కేసీఆర్ నియమించగా.. ఈ మేరకు ప్రభుత్వం ఉత్తర్వులు జారీ చేసింది. ఆయన రెండేళ్ల పాటు పదవిలో కొనసాగనున్నారు. భరత్ నియామక ఉత్తర్వును సీఎం కేసీఆర్ చేతుల మీదుగా సోమవారం ప్రగతి భవన్లో అందుకున్నారు. డెయిరీ డెవలప్మెంట్ కో ఆపరేటివ్ ఫెడరేషన్ చైర్మన్గా నియమించినందుకు సీఎంకు కృతజ్ఞతలు తెలిపారు. ఇదిలా ఉండగా.. సోమా భరత్కుమార్ ప్రస్తుతం టీఆర్ఎస్ పార్టీ ప్రధాన కార్యదర్శిగా పని చేస్తున్నారు.
టీఆర్ఎస్ పార్టీ ఆవిర్భావం నుంచి కేసీఆర్ వెంట నడుస్తున్నారు. ఆయన స్వస్థలం సూర్యాపేట జిల్లా వర్ధమానుకోట. వైశ్య సామాజిక వర్గానికి చెందిన సోమా భరత్కుమార్ వృత్యిరీత్యా అడ్వకేట్. సీనియర్ అడ్వకేట్గా సేవలందిస్తూనే.. ప్రజాస్వామిక స్ఫూర్తితో తెలంగాణ ఉద్యమంలో భాగస్వాములయ్యారు. తెలంగాణ ఉద్యమ కాలం నుంచి నేటి వరకు టీఆర్ఎస్ అధినేత కేసీఆర్కు అప్పగించిన బాధ్యతలను నిర్వహించడడంతో పాటు పార్టీ వ్యవహారాల్లోనూ కీలక సేవలందించారు. ఆయన సేవలను గుర్తించిన సీఎం కేసీఆర్ డెయిరీ డెవలప్మెంట్ చైర్మన్గా నియమించారు. ఆయన నియామకంపై తెలంగాణ వాదులు హర్షం వ్యక్తం చేశారు.