Visit:
జగదేవ్పూర్, సెప్టెంబర్ 24 : అప్పుల బాధతో కౌలు రైతు ఆత్మహత్య చేసుకున్నాడు. ఈ ఘ టన సిద్దిపేట జి ల్లాలో గురువా రం చోటుచేసుకున్నది. స్థానికులు, పోలీసులు తెలిపిన వివరాల ప్రకారం.. జగదేవపూర్ మండలం పలుగుగడ్డకు చెందిన లోకుల సాయిరామ్ (30) తనకున్న ఇరువై గుంటలతోపాటు మరో ఎకరం ఇరువై గుంటల భూమిని కౌలుకు తీసుకొని పత్తి సాగు చేశాడు. పంట చేతికి రాక ఆర్థికంగా నష్టపోయాడు. రూ.15 లక్షల వరకు అప్పులున్నాయి.
వాటిని తీర్చే మార్గం లేక మనస్తాపంతో గురువారం పొలానికి వెళ్లిన సాయిరామ్ చెట్టుకు ఉరి వేసుకొని ఆత్మహత్యకు పాల్పడ్డాడు. సాయిరామ్కు భార్య సు జాత, పదేండ్లలోపు ఇద్దరు కుమార్తెలు, ఒక కుమారుడు ఉన్నారు. కుటుంబ సభ్యుల ఫిర్యాదు మేరకు కేసు దర్యాప్తు చేస్తున్నట్టు పోలీసులు తెలిపారు.
