నాడు సంరక్షణ.. నేడు నరికివేత

బీఆర్‌ఎస్‌ ప్రభుత్వం భవిష్యత్‌ తరాలకు స్వచ్ఛమైన పర్యావరణాన్ని అందించాలని హరితహారం కింద మొక్కలు పెంచి సంరక్షిస్తే.. నేటి కాంగ్రెస్‌ ప్రభుత్వం వాటిని నిర్దాక్షిణ్యంగా నరికేస్తున్నది. సిద్దిపేట జిల్లాలో రాజీవ్‌ రహదారి వెంట వేలాది మొక్కలను నాటగా వృక్షాలుగా ఎదుగుతున్నాయి.

• సిద్దిపేట జిల్లా ములుగు, వంటిమామిడిలో చెట్ల తొలగింపు

ములుగు, జూన్‌ 12: బీఆర్‌ఎస్‌ ప్రభుత్వం భవిష్యత్‌ తరాలకు స్వచ్ఛమైన పర్యావరణాన్ని అందించాలని హరితహారం కింద మొక్కలు పెంచి సంరక్షిస్తే.. నేటి కాంగ్రెస్‌ ప్రభుత్వం వాటిని నిర్దాక్షిణ్యంగా నరికేస్తున్నది. సిద్దిపేట జిల్లాలో రాజీవ్‌ రహదారి వెంట వేలాది మొక్కలను నాటగా వృక్షాలుగా ఎదుగుతున్నాయి. సిద్దిపేట జిల్లా ములుగు, వంటిమామిడి మధ్యలో రాజీవ్‌ రహదారికి ఇరువైపులా పెరిగిన 20 చెట్లను అధికారులు నరికేశారు. ్ల విద్యుత్తు తీగలకు అడ్డుగా ఉన్న కొమ్మలను తొలిగిస్తే పోయేదానికి పూర్తిగా చెట్టునే నరికి పర్యావరణానికి విఘాతం కలిగించారు. మొక్కలు నాటాలని చెప్పాల్సిన ప్రభుత్వం, అధికారులు అడ్డగోలుగా చెట్లను నరికివేయించడంతో ప్రయాణికులు ప్రభుత్వం అవలంబిస్తున్న తీరుపై ఆగ్రహం వ్యక్తంచేస్తున్నారు.