Visit:
హైదరాబాద్‌, నవంబర్‌29 (నమస్తే తెలంగాణ): ఉద్యోగుల పెండింగ్‌ బిల్లుల బకాయిల్లో ఈ నెల కూడా రూ.707.30 కోట్లను ప్రభుత్వం విడుదల చేసింది. శనివారం ఉత్తర్వులు జారీచేసింది. రెగ్యులర్‌, రిటైర్డ్‌ ఉద్యోగుల గ్రాట్యుటీ, జీపీఎఫ్‌, సరెండర్‌ లీవ్స్‌, అడ్వాన్స్‌ బిల్లులు వేలాది కోట్లలో పెండింగ్‌లో ఉన్నాయి. దీంతో విడతలవారీగా బకాయిలను చెల్లిస్తామని ఉద్యోగులకు ప్రభుత్వం హామీ ఇచ్చింది. నవంబర్‌ నెల బకాయిలను విడుదల చేయాలని ఆర్థిక శాఖ అధికారులకు డిప్యూటీ సీఎం బట్టి విక్రమార ఆదేశాలు జారీచేశారు.
