ఐక్యపోరాటాలతోనే బీసీల హక్కులు సాధ్యం

చట్టసభల్లో 50 శాతం బీసీ రిజర్వేషన్ల సాధన కోసం బీసీలంతా ఐక్యంగా ఉద్యమించాలని రాజ్యసభ సభ్యుడు ఆర్‌ కృష్ణయ్య పిలుపునిచ్చారు. భూస్వాముల ఆధిపత్యానికి వ్యతిరేకంగా చాకలి ఐలమ్మ ఎలా పోరాడిందో, అదే స్ఫూర్తితో ఉద్యమించాలని సూచించారు.

• బీసీ నేత, రాజ్యసభ సభ్యుడు ఆర్‌ కృష్ణయ్య
• రజకులు హక్కుల కోసం ఉద్యమించాలి
• కార్మికశాఖ మంత్రి వివేక్‌ వెంకటస్వామి
• రవీంద్రభారతిలో ఐలమ్మ జయంత్యుత్సవం
• విద్యానగర్‌లో బీసీ ఉద్యోగుల సమావేశం

రవీంద్రభారతి/కవాడిగూడ, సెప్టెంబర్‌ 26 : చట్టసభల్లో 50 శాతం బీసీ రిజర్వేషన్ల సాధన కోసం బీసీలంతా ఐక్యంగా ఉద్యమించాలని రాజ్యసభ సభ్యుడు ఆర్‌ కృష్ణయ్య పిలుపునిచ్చారు. భూస్వాముల ఆధిపత్యానికి వ్యతిరేకంగా చాకలి ఐలమ్మ ఎలా పోరాడిందో, అదే స్ఫూర్తితో ఉద్యమించాలని సూచించారు. శనివారం రవీంద్రభారతిలో వెనుకబడిన తరగతుల సంక్షేమశాఖ ఆధ్వర్యంలో వీరనారి చాకలి ఐలమ్మ జయంతిని నిర్వహించారు. కార్యక్రమానికి ఆర్‌ కృష్ణయ్య, మంత్రి వివేక్‌, ప్రభుత్వ సలహాదారు వీ హనుమంతరావు తదితరులు పాల్గొని ఐలమ్మ చిత్రపటానికి పూలమాలలు వేసి నివాళులర్పించారు.

ఈ సందర్భంగా ఆర్‌ కృష్ణయ్య మాట్లాడుతూ.. బీసీలు కలిసికట్టుగా పోరాడితేనే పార్లమెంట్‌లో బిల్లు పెడుతారని పేర్కొన్నారు. మంత్రి వివేక్‌ మాట్లాడుతూ.. రజకులు తమ హక్కుల కోసం ఉద్యమించాలని పిలుపునిచ్చారు. కార్యక్రమంలో బీసీ కమిషన్‌ చైర్మన్‌ టీ నిరంజన్‌, బీసీ సంక్షేమ సంఘం జాతీయ అధ్యక్షుడు జాజుల శ్రీనివాస్‌గౌడ్‌ తదితరులు పాల్గొన్నారు. అదేవిధంగా విద్యానగర్‌లోని బీసీ భవన్‌లో శనివారం జరిగిన ప్రభుత్వ బీసీ ఉద్యోగుల సమావేశంలో ఆర్‌ కృష్ణయ్య తదితరులు పాల్గొన్నారు.