Theft cases | ఖిల్లా ఘనపూర్ మండలంలో వరుస దొంగతనాల కేసులను ఛేదించిన పోలీసులు

వ‌న‌ప‌ర్తి జిల్ఆల ఖిల్లాఘనపూర్ మండలంలో మేకలు, గొర్రెల దొంగతనాలతో పాటు రాత్రి వేళల్లో ఇళ్లలో జరిగిన దొంగతనాల కేసులను పోలీసులు ఛేదించారు.

ఖిల్లాఘనపూర్, నవంబర్ 5: వ‌న‌ప‌ర్తి జిల్ఆల ఖిల్లాఘనపూర్ మండలంలో మేకలు, గొర్రెల దొంగతనాలతో పాటు రాత్రి వేళల్లో ఇళ్లలో జరిగిన దొంగతనాల కేసులను పోలీసులు ఛేదించారు. గురువారం తెల్లవారుజామున 3 గంటల సమయంలో ఖిల్లాఘనపూర్ బస్టాండ్ వద్ద ఎస్ఐ వెంకటేష్ సిబ్బందితో కలిసి పెట్రోలింగ్ నిర్వహిస్తుండగా, మానాజీపేట రోడ్డు వైపు నుంచి ఒక బైక్‌పై ఇద్దరు వ్యక్తులు మేకను తీసుకువస్తుండగా పోలీసులు అనుమానంతో వారిని ఆపి విచారించారు.

పొంతనలేని సమాధానాలు చెప్పడంతో పోలీస్ స్టేషన్‌కు తరలించి విచారించగా దొంతికుంట తండా, కర్నె తండాల్లో మేకలు, గొర్రెలను దొంగిలించి విక్రయించేందుకు తీసుకెళ్తున్నట్లు వెల్లడించారు. ఇద్దరు నిందితులతో పాటు దొంగ సొత్తును కొనుగోలు చేసిన మహిళ‌ను అరెస్ట్ చేసి రిమాండ్‌కు త‌ర‌లించారు.